Ізраіль заявіў пра забойства архітэктара ядзернай праграмы і адной з самых уплывовых фігур Ірана Алі Ларыджані
Армія абароны Ізраіля нанесла авіяўдар па канспіратыўнай кватэры ў Іране, мэтай якога стаў сакратар Вышэйшага савета нацыянальнай бяспекі Ірана Алі Ларыджані.
Міністр абароны Ізраіля Ісраэль Кац афіцыйна пацвердзіў гібель высокапастаўленага чыноўніка, якога называлі адной з самых уплывовых асоб у краіне і ключавой фігурай у распрацоўцы іранскай атамнай зброі.
Разам з ім пры нападзе загінуў камандуючы сіламі «Басідж» Галамрэза Сулеймані.
Атака адбылася мінулай ноччу пасля таго, як ізраільская разведка атрымала звесткі пра прыбыццё Ларыджані ў сакрэтнае месца — паводле некаторых даных, яго суправаджаў сын.
Магутнасць удару была такой, што крыніцы ў ізраільскіх службах бяспекі заявілі пра адсутнасць якіх-небудзь шанцаў на выжыванне.
Гэтая аперацыя будзе сур'ёзным ударам па ваенна-палітычнай структуры Ірана, бо Ларыджані не толькі курыраваў ядзерную праграму, быў галоўным рухавіком збліжэння Тэгерана з Кітаем, а таксама адказваў за падаўленне ўнутраных пратэстаў. Ён лічыўся адным з найбліжэйшых паплечнікаў вярхоўнага лідара Ірана Алі Хаменеі. У розныя гады ён вёў складаныя перамовы з ЗША і рыхтаваў краіну да магчымай вайны.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары