Спартыўна-аздараўленчы комплекс «Лагойск» спыняе сваю дзейнасць. Апошнім днём працы цэнтра стане 31 сакавіка. Пра гэта афіцыйна паведаміла адміністрацыя комплексу ў Instagram.
Паводле заявы, гаворка ідзе не проста пра завяршэнне зімовага сезона, а пра канец працы — фінал 22‑гадовага жыцця комплексу.
«Мы не ведаем, што будзе далей, але вельмі хочацца верыць, што гэта не канец», — гаворыцца ў паведамленні.
«Лагойск» быў адкрыты ў студзені 2004 года і стаў адным з першых сучасных гарналыжных цэнтраў краіны. Комплекс належыць апальнаму бізнэсмену Юрыю Чыжу.
У 2023 годзе аб’ект спрабавалі выставіць на таргі, аднак пакупніка тады знайсці не ўдалося.
Афіцыйныя прычыны закрыцця адміністрацыя пакуль не называе.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары
Зімовая з лыжнёй.
А то прыстойнаму грыбніку няма дзе грыбы зьбіраць, пазабудавалі лес рознай фігнёй...