Іран выставіў ЗША максімалісцкія патрабаванні для вяртання да перамоў — WSJ
Паводле звестак The Wall Street Journal, Іран прадставіў ЗША максімалісцкі набор умоў для вяртання да перамоў аб спыненні агню. Там — закрыццё ўсіх амерыканскіх баз у краінах Персідскага заліва, выплата рэпарацый за ўдары па Іране і гарантыі неаднаўлення вайны.
Іран патрабуе не проста перамір’я, а фактычна буйной ваенна-палітычнай і эканамічнай здзелкі на сваіх умовах.
Паводле крыніц The Wall Street Journal, у спісе называюцца наступныя пункты.
- Закрыццё ўсіх баз ЗША ў Персідскім заліве.
- Фінансавыя рэпарацыі за амерыканскія і ізраільскія ўдары.
- Новы рэжым у Армузскім праліве, пры якім Іран змог бы спаганяць зборы з суднаў, што праходзяць праз яго.
- Гарантыі неаднаўлення баявых дзеянняў.
- Спыненне ізраільскіх удараў па сілах, звязаных з Іранам, уключаючы «Хезбалу».
- Зняцце ўсіх санкцый з Ірана.
- Захаванне іранскай ракетнай праграмы без перамоў аб яе абмежаванні.
WSJ піша, што амерыканскія чыноўнікі лічаць гэтыя ўмовы нерэалістычнымі, таму прорва паміж бакамі цяпер вельмі глыбокая. Асобна адзначаецца, што пазіцыя Тэгерана пасля тыдняў вайны стала больш жорсткай, а ўплыў КВІР (Корпуса вартавых ісламскай рэвалюцыі) на перамоўную лінію ўзмацніўся.
Паралельна адміністрацыя Дональда Трампа, паводле звестак WSJ, перадала Ірану план з 15 пунктаў па завяршэнні вайны. У гэтым плане згадваюцца патрабаванні:
- поўны доступ МАГАТЭ да інспекцый;
- абмежаванне іранскай ракетнай праграмы;
- спыненне падтрымкі проксі-сетак;
- захаванне Армузскага праліва як вольнага марскога калідора.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці3
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары
Гэта дакладны пераклад з WSJ? "ракетная праграма" Ірана нікога і ніколі не цікавіла і, наогул, "ракетная праграма" - гэта "ніпрашто"
Ці не пераблыталі вы яе з "ЯДЗЕРНАЙ праграмай Ірана" ?