Літоўскія перавозчыкі расказалі, ці будуць яны цяпер ездзіць праз Беларусь
Прадстаўнікі перавозчыкаў расказалі, што частка літоўскіх кампаній працягне ездзіць транзітам праз Беларусь, пакуль не будзе выразнага сігналу ад уладаў. Іншыя ўжо мяняюць маршруты або нават пераносяць бізнэс у іншыя краіны, піша Delfi.lt.
Па словах перавозчыкаў, сітуацыя ўскладнілася пасля таго, як беларускія ўлады пачалі выпускаць літоўскія фуры толькі пасля аплаты за стаянку. У сярэднім за адзін цягач трэба заплаціць каля 6000 еўра, і для многіх кампаній гэта сур’ёзная нагрузка.
З-за рызыкі і нестабільнасці кліенты ўсё часцей адмаўляюцца ад паслуг літоўскіх перавозчыкаў і выбіраюць польскія або латвійскія кампаніі, якія паступова займаюць гэты рынак. Асабліва гэта закранае маршруты ў краіны Цэнтральнай Азіі і Кітай, дзе раней выкарыстоўваўся шлях праз Беларусь і Расію.
Хоць фармальна транзіт праз гэтыя краіны магчымы і не парушае санкцый, узнікае палітычнае і этычнае пытанне — ці варта бізнэсу працягваць так працаваць. Альтэрнатыўны «паўднёвы калідор» існуе, але ён значна даўжэйшы і даражэйшы, а кліенты не гатовыя плаціць больш.
Літоўскія перавозчыкі адзначаюць, што калі будзе выразнае палітычнае рашэнне, то яны могуць адмовіцца ад працы з беларускім напрамкам. Аднак пакуль такой яснасці няма, сітуацыя застаецца нявызначанай.
Таксама адзначаецца, што частка бізнэсу ўжо пераносіць дзейнасць у іншыя краіны, напрыклад у Латвію ці Польшчу. Але гэта звязана не толькі з праблемамі транзіту праз Беларусь, а і з агульнымі цяжкасцямі ў сектары — падаткамі і недахопам працоўнай сілы.
Мінск выдае за «зніжкі» звычайныя тарыфы «Белмытсэрвіса». Колькі заплацяць за прастой фур літоўскія перавозчыкі?
Колькі грошай возьмуць з літоўскіх перавозчыкаў за тое, што Лукашэнка не выпускаў іх фуры з Беларусі
Лукашэнка адпускае літоўскія фуры
Да раніцы серады ў Літву з Беларусі вярнуліся 33 грузавікі
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары