Ціханоўская расказала пра ліст да прэм'ера Літвы і адсутнасць адказу
Дэмакратычная лідарка кажа, што адчувае сябе ў большай бяспецы ў Польшчы.
Пасля таго як у канцы мінулага года ўзровень асабістай бяспекі беларускай апазіцыйнай лідаркі Святланы Ціханоўскай быў паніжаны, яна звязалася з прэм’ер-міністрам Інгаю Ругінене, але не атрымала адказу. Ціханоўская кажа: той факт, што ліст застаўся без адказу, ніяк не змяняе яе адносін з Літвой, піша Delfi.lt.
«Літва стала бяспечным месцам для тысяч людзей, якія ўцякаюць ад рэжыму (…). Таму я сапраўды не хачу раздзімаць з гэтай сітуацыі палітычную драму», — заявіла С. Ціханоўская журналістам у Сейме ў панядзелак.
«Так, у нас у Літве новы пратакол бяспекі, у сувязі з якім я сёння адчуваю сябе ў большай бяспецы ў Польшчы. Але гэта не азначае, што мае адносіны з Літвой змяняюцца», — дадала яна.
Яна называе Літву сваім другім домам.
«Я была вельмі ўдзячная за магчымасць вярнуцца сюды ўчора — тут усё такое знаёмае, гэта мой другі дом. (…) Я ведаю, што парламент Літвы і прэзідэнт нас падтрымліваюць», — сказала Святлана Ціханоўская.
-
Прапагандысты паказалі моцна схуднелага Васіля Верамейчыка
-
Стала вядома, хто атрымаў жыллё ў «сакрэтным» доме пад Драздамі. Сярод іх — сілавік, які «вызначыўся» ў 2020 годзе
-
Дактары з Украіны і Беларусі з цяжкасцю здаюць польскі медыцынскі экзамен. Праўда, палякі з замежным дыпломам спраўляюцца не лепш
Цяпер чытаюць
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі13
Каментары