Дзіцяня з’явілася ў пары двухгорбых вярблюдаў, якія жывуць у Віцебскім заапарку ўжо каля дзевяці гадоў, піша БелТА.
Малому ўжо каля двух тыдняў. Гэта хлопчык з шэрай поўсцю і яшчэ крыху няўклюдным выглядам, але ён ужо ўпэўнена стаіць на нагах і паводзіць сябе актыўна — гуляе і нават спрабуе «камунікаваць» з птушкамі. Ад маці ён не адыходзіць, а яна ўважліва за ім сочыць.
Цяпер верблюдзяня будзе каля паўгода харчавацца матчыным малаком. Маці, вярблюдзіца Ася, атрымлівае ўзмоцненае харчаванне — есць сена, зерне і гародніну. Яна даволі вялікая і спакойная жывёліна.
Бацька, вярблюд Цімафей, таксама трымае ўсё пад кантролем — ахоўвае сваю сям’ю і не падпускае чужых. Хоць у прыродзе самцы могуць быць небяспечнымі для малых, цяпер небяспекі няма, але супрацоўнікі заапарка ўсё адно сочаць за сітуацыяй.
Пакуль што малому яшчэ не далі імя і вырашаюць, ці застанецца ён у заапарку. Усё будзе залежаць ад таго, як ён будзе ладзіць з дарослым самцом.
Нараджэнне верблюдзяняці — рэдкая падзея для заапаркаў, таму гэта стала сапраўднай радасцю для супрацоўнікаў.
Паглядзець на малога можна, але толькі здалёк. Наведвальнікам не дазваляюць набліжацца, гладзіць або карміць жывёл, бо гэта можа ім нашкодзіць.
Цяпер чытаюць
Малады работнік «Мінск-Арэны» павінен заплаціць 71 мільён даляраў4
Каментары