Іх колькасць працягвае зніжацца, бо некаторымі відамі дзейнасці цяпер можна займацца толькі як юрасоба.
Паводле даных Белстата, на 1 сакавіка 2026 года ў Беларусі было 202 453 індывідуальныя прадпрымальнікі. У параўнанні з пачаткам мінулага года, іх паменела на 35 тысяч (на 1 студзеня 2025 года было 237,3 тысячы ІП).
Па рэгіёнах сітуацыя выглядае так:
- Мінск — 52 728 ІП;
- Мінская вобласць — 33 728;
- Брэсцкая вобласць — 29 783;
- Гомельская вобласць — 24 573;
- Магілёўская вобласць — 21 377;
- Гродзенская вобласць — 21 051;
- Віцебская вобласць — 19 213.
Больш за ўсё ІП (69 тысяч) у сферы аптовага і рознічнага гандлю.
На другім месцы — транспартная дзейнасць, складаванне, паштовая і кур'ерская дзейнасць (35 тысяч прадпрымальнікаў), на трэцім — прафесійная, навуковая і тэхнічная дзейнасць (амаль 18 тысяч).
Каментары