Жодзінец палюбіў чужыя машыны: не мог прайсці міма, каб не выцягнуць магнітолу ці хаця б не пакатацца. Канец хобі паклалі УСУ
Аляксандр Бурак нарадзіўся ў Жодзіне ў 1991 годзе. З юнацтва стаў цікавіцца чужой маёмасцю: шнырыў па лецішчах, абкрадаў машыны. Калі Расія адкрыла магчымасць такім людзям парабаваць і маёмасць украінцаў, жодзінец двойчы не думаў і паехаў на фронт. Але не фартанула.
Стала вядома пра яшчэ аднаго загінулага на баку Расіі беларуса. Гэта рэцыдывіст Аляксандр Бурак з Жодзіна.
Як вядома з баз Belpol, крымінальную дзейнасць Бурак пачаў з таго, што прыгледзеў у адным з садовых таварыстваў кепска замкнёны дом і пачаў туды лазіць, кожны раз выцягваючы нешта новае. Гаспадары заўважылі толькі калі знік дрыль. Па гарачых слядах Аляксандра затрымалі.
Потым праявілася своеасаблівая любоў Бурака да тэхнікі — калі ён бачыў машыну без нагляду, то разбіваў шкло і выцягваў адтуль усё, што ляжала: магнітолы, рваныя курткі, спальныя мяшкі.
Калі ў машыне не было ўвогуле нічога, нават магнітолы, то проста катаўся на ёй, а бывала і катаў сяброў. За ўхіленне ад адбыцця хіміі трапляў у вышук.
Калі ўжо трапіў у поле зроку міліцыі, то стаў выязджаць у іншы раён па восені, каб «адпрацаваць» машыны, якія прыпаркавалі грыбнікі.
Скончыў жа Аляксандр Бурак тым, што ў 2025 годзе падпісаў кантракт з расійскім Мінабароны. Трапіў у штурмавы атрад, пайшоў у свой першы мясны штурм у кастрычніку 2025 і знік без вестак.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары
Быць дабру!
Да таго - за Расію ваяваць з беларусаў ідуць амаль толькі маргіналы. Ідэйных там няма. Бо там нават самыя расіяне ідуць за грашыма. Толькі за гэтае - таму там і армія такая.