«Белтэлекам» аб'явіў пра адключэнне таксафонаў, але і пасля дэдлайну доўга не падымалася рука. Нарэшце ўсё ж наважыліся
Пачынаючы з красавіка, «Белтэлекам» усё ж пачаў адключаць таксафоны ў Мінску. Адбылося гэта больш чым на два месяцы пазней за першапачаткова заяўленыя тэрміны, заўважыла выданне Blizko.by.
«Белтэлекам» у канцы мінулага года паведамляў, што адключыць іх з 20 студзеня, але чамусьці гэтага не адбылося.
Нават пасля гэтай даты Blizko.by рэгулярна абзвоньваў таксафоны каля Галоўпаштамта і на станцыях метро «Усход», «Маскоўская», «Пятроўшчына», «Уручча», «Інстытут культуры» і іншых. Званок праходзіў, атрымлівалася зрабііць выклік і пагаварыць.
У панядзелак 30 сакавіка журналісты яшчэ тэлефанавалі на таксафон у падземным пераходзе станцыі метро «Пятроўшчына». А адразу пасля гэтага з’явілася таблічка: таксафоны адключаць з 1 красавіка.
І сапраўды, правераныя некалькі таксафонаў ужо не працуюць. У трубцы няма гудка. А пры спробе дазваніцца на таксафон альбо ідуць доўгія гудкі, альбо выдаецца паведамленне, што званок не можа быць здзейснены.
Таму цяпер можна дакладна сказаць: эпоха працягласцю больш чым у 90 гадоў нарэшце скончылася.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося19
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі88
Каментары