Беларуса затрымалі на Балі з наркотыкамі: яму пагражае пажыццёвае зняволенне
На востраве Балі паліцыя затрымала 29‑гадовага беларуса. Яго падазраюць у гандлі наркотыкамі ў складзе міжнароднай сеткі.
Паліцыя атрымала наводку, што праз паштовае аддзяленне ў турыстычным раёне Кута ідуць падазроныя пасылкі. Беларус прыдумаў хітрую схему: ён выкарыстоўваў даныя мясцовага жыхара, каб той атрымліваў пасылкі на сваё імя, а потым пакідаў іх у лобі гатэля. Беларус забіраў іх пазней.
Падчас ператрусаў у мужчыны канфіскавалі амаль паўкілаграма марыхуаны, якую яму даслалі са Швейцарыі праз знаёмага ў тэлеграме, і каля 34 грамаў какаіну, які, паводле яго слоў, ён прывёз з Грузіі.
Затрыманы нідзе афіцыйна не працаваў і, па версіі следства, займаўся распаўсюджваннем наркотыкаў сярод турыстаў.
У Інданезіі суровае антынаркатычнае заканадаўства. Цяпер беларусу пагражае аж да пажыццёвага зняволення.
-
Беларускі зняволены мала таго, што стрэс грошы з Расіі за ўмовы ўтрымання ў СІЗА, дык яшчэ і выбіў кампенсацыю за доўгае чаканне тых грошай
-
У цэнтры Мінска матацыкліст жорстка ўрэзаўся ў аўто — ажно пераляцеў машыну ВІДЭА
-
У Мюнхене беларус, украінец і немец у масках і са зброяй абрабавалі мінака. Ужо праз восем хвілін іх арыштавалі
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў2
Каментары