Відэарэклама шакаладу, названага ў гонар галоўнай карнай структуры рэжыму Лукашэнкі, з'явілася ў сацыяльных сетках кандытарскай фабрыкі «Камунарка».
У «крэатыўным» рэкламным роліку чалавек у цывільным (магілёўскі блогер) звяртаецца да «бандытаў, карупцыянераў і экстрэмістаў». Прэзентаваны ім шакалад, па яго словах, «пазбавіць ад кепскіх думак, карысны для мозгу і падыме настрой».
Само прадпрыемства напісала, што шакалад вырабілі яны, і лічыць, што гэта «ідэальная рэклама».
Праўда, энтузіязму ад патэнцыйных пакупнікоў пакуль не відаць, у Threads пост з ролікам за 7 гадзін сабраў усяго 4 лайкі і 4 каментары. Усе яны адмоўныя:
«Цудоўны прыклад, як адзін недалёкі сммшчык можа абнуліць усе намаганні вытворцаў»;
«Якое брыдоцце. Спадзяюся, гэта пабачыць як мага болей людзей і яны больш ніколі нічога не будуць у вас набываць;
«Пака-пака, цяпер родных будзем прасіць прывозіць толькі Спартак».
Пазней «Камунарка» выдаліла гэта відэа. Выглядае, што гэты шакалад быў выраблены не для продажу, а на замову сілавых структур, да юбілею ГУБАЗіКа.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары