«Разумееце, потым многія людзі і структуры займаюцца гэтымі пытаннямі, адцягваючы сваю ўвагу ад асноўнай працы».
— Калі пачынаюць разбірацца больш глыбока і дэталёва ў тым, пра што заяўляюць нашы грамадзяне, выкладваючы інфармацыю ў тыкток або ў які-небудзь іншы інфармацыйны канал, то часта гэта абсалютна недакладная інфармацыя, — заявіла Качанава ў эфіры тэлеканала «Першы інфармацыйны».
Яна дадала, што людзі павінны быць цалкам упэўнены ў тым, пра што яны расказваюць у сацсетках, таму і павінна быць адказнасць за тое, што карыстальнікі выкладваюць у публічную прастору.
Качанава адзначыла, што людзі лёгка вераць таму, што напісана ў сацыяльных сетках, і часта ў іх складваецца негатыўнае меркаванне пра тое, што адбываецца.
— Разумееце, потым многія людзі і структуры займаюцца гэтымі пытаннямі, адцягваючы сваю ўвагу ад асноўнай працы, разбіраюцца, удакладняюць, а гэта аказваецца насамрэч не так. Яны б у гэты час маглі займацца іншымі пытаннямі, быў бы вынік, а тут на пустым месцы…, — заявіла Качанава.
Аднак спікерка Савета Рэспублікі заявіла, што звароты і далей будуць вывучацца.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях12
Каментары