Музыка 11 11

Арына Жураўская

10.04.2026 / 14:19

Праўладная спявачка праспявала на хакейным матчы «Белоруссія» — і атрымала заслужаную тону хейту

Перад пачаткам першага матчу адной чацвёртай Кубка Гагарына ў Мінску выступала беларуская спявачка Настасся Краўчанка. Людзей абурыла, што ў яе песні было чуваць «Белоруссія».

Перад тым, як на лёдзе з’явіліся каманды «Дынама-Мінск» і «Ак Барс», туды на кабрыялеце з чырвона-зялёнымі сцягамі выехала Настасся Краўчанка. Яна спявала песню ў падтрымку беларускай каманды.

У публікі ўзніклі вялікія пытанні да прыпеву, канцоўку многія пачулі так:

«За Динамо-Минск болеет вся страна

Белоруссия».

Тое, наколькі гэта крыўдная сітуацыя, беларусы пачалі актыўна абмяркоўваць у Threads.

«Краўчанка, дык яшчэ і Белоруссія, кроў з вушэй! Фу».

«Беларусы, спытаем пасля хакею ў Краўчанкі, з якога моманту Беларусь стала Белоруссіей?! Ганьба проста».

Абмяркоўвалі і тое, што, пакуль усе астатнія беларусы перавучваюць расіян казаць «Белоруссія», праўладная спявачка на вялікім мерапрыемстве праспявала менавіта савецкі варыянт назвы краіны.

Нехта ўжо нават жартуе, што гэтае відэа неабходна захаваць усім расіянам і публікаваць падчас любой спрэчкі вакол Беларусі: «Можна было б лёгка замяніць на «Беларусь мая». Расіяне зараз расцягнуць тэму на «вось бачыце, самі ў сябе там спачатку разбярыцеся». А разумныя людзі даўно разабраліся… Калгас, так».

Праўда, некаторыя пішуць, што трэба прыслухацца і пачуць «Беларусь і я». Але яны ў абсалютнай меншасці, Краўчанка занадта выразна расцягвала «сссс».

Дарэчы, Настасся Краўчанка — цікавы персанаж на беларускай эстрадзе. Дзяўчына, якая займалася музыкай і марыла пра сцэну, у 2020 годзе паступіла ў Інстытута тэалогіі БДУ. Чаму і навошта, і сама не магла ўцямна растлумачыць.

Дзяўчына прымала ўдзел у першым сезоне беларускага шоу «Фактар.by». Але папулярнай стала пасля таго, як праспявала песню «Рамонкі» на расійскім шоу «Залятай у трэнды», а потым выклала ў тыктоку некалькі ўрыўкаў выступу. Прыпеў завірусіўся, шмат хто пачаў здымаць відэа пад гэту музыку — а ролікі Настассі набралі мільёны праглядаў.

Пасля гэтага Настассю паклікалі працаваць вядоўцай на БТ. Яна распавядала, што марыць размеркавацца туды. Як гэта магчыма з дыпломам тэолага, не вельмі зразумела, але ж, здаецца, варыянты знайшліся.

Цяпер маладую спявачку актыўна выкарыстоўваюць у розных ідэалагічных мерапрыемствах як у Беларусі, так і ў Расіі.

Чытайце яшчэ

Каментары11

Абое рабое

10.04.2026

Ой, слухайце...! А хто піша?! Тыя, хто ня можа жыць без маскалізмаў, ды піша яўрэйскія замест жыдоўскія,Мінск замест Менск, Беларуссю замест Беларусьсю, Літва замест Летува, ды ўвогуле не можа абысціся без іншых савецка- маскоўскіх утварэнняў.
Так што, не крывадушнічайце. Вы аднолькавыя.
ўіў

10.04.2026

Невероятная з'ява. Многім беларусам перашкаджае слова Белоруссія, але далей пішуць на той расейскай мове. Проста нешта з чымсці.
Запушаная маскоўскай імперыяй (як і 93% Беларусаў)

10.04.2026

"Белоруссия"?? дзе яе трымалі апошнія 40 год? )) Запушаная маскоўскай імперыяй (як і 93% Беларусаў), там "Белоруссия" - правільна

Цяпер чытаюць

У Instagram з'явілася магчымасць рэдагаваць каментары

Дзмітрый Мядзведзеў стаў галоўным рэдактарам расійскіх школьных падручнікаў

На свабоду выйшаў спартыўны журналіст Дзмітрый Сельвяструк1 1

У Мінску знік уласнік мануфактуры «Наш алей»1 1

У Літве збіраюцца даказаць, што парэшткі князя Вітаўта ляжаць у крыпце Віленскага кафедральнага сабора6 6

Кір Стармер заявіў, што яму надакучылі дзеянні Пуціна і Трампа4 4

Юрый Караеў марыць зладзіць штурм Мірскага замка мангола-татарамі5 5