Юрый Караеў марыць зладзіць штурм Мірскага замка мангола-татарамі
Старшыня Гродзенскага аблвыканкама Юрый Караеў падчас візіту ў Мірскі замак выказаў ідэю праводзіць маштабныя гістарычныя рэканструкцыі штурму замка ў розныя эпохі. Сярод іншага ён прапанаваў паказаць напад мангола-татараў з выкарыстаннем лесвіц, лукаў і іншых атрыбутаў, каб стварыць відовішчнае прадстаўленне для гледачоў.
«Я вельмі даўно мару зрабіць рэканструкцыю штурму замка са штурмавымі лесвіцамі, з мангола-татарамі, якія страляюць у байніцы з лукаў і стрэл. У XIV стагоддзі мы паказваем вам рэканструкцыю штурму гэтага замка. Паказваем на 20 хвілін. А праз 200 гадоў рыцарскі ордэн тэўтонаў атакаваў», — заявіў Юрый Караеў.
Ён адзначыў, што падобныя кароткія рэканструкцыі ўжо праводзяцца, але ён хацеў бы зрабіць больш маштабнае і дэталёвае шоу.
Председатель Гродненского облисполкома Юрий Караев посетил замковый комплекс «Мир», который в следующем году отметит 5️⃣0️⃣0️⃣-летие своего основания. ✔️ Поставлены задачи ответственным должностным лицам по празднованию этого знакового для всей страны события. ⚡️ Идея губернатора - провести реконструкцию осады замка в разные исторические эпохи.
Гэтая ідэя, аднак, выклікае у людзей шмат пытанняў і крытыкі. Людзі ў каментарыях да навіны звяртаюць увагу перадусім на тое, што падобныя мерапрыемствы патрабуюць значных фінансавых выдаткаў. Некаторыя задаюцца пытаннем, за чый кошт будзе праводзіцца такая рэканструкцыя.
Іншыя адзначаюць, што ў краіне ёсць больш надзённыя праблемы, якія патрабуюць увагі і сродкаў — напрыклад, недахоп даступнага жылля, праблемы з медыцынскімі ўстановамі ў малых гарадах, стан інфраструктуры, асвятленне вуліц і іншыя бытавыя пытанні. На гэтым фоне ідэя гістарычнага шоу некаторым падалася недарэчнай або другараднай.
Таксама гучаць меркаванні, што гэта хутчэй асабістая ініцыятыва чыноўніка, якая не абавязкова адпавядае рэальным патрэбам людзей.
Галоўнае ж — што сама магчымасць штурму Мірскага замка мангола-татарамі разыходзіцца з гістарычнымі рэаліямі.
Караеў не ў курсе, што рэнесансавы замак у Міры быў пабудаваны ў пачатку XVI стагоддзя. А татар і крыжакоў Вялікае Княства Літоўскае разбіла гадоў на сто гадоў раней, пад Сінімі Водамі і Грунвальдам. Таму і з’явілася магчымасць будаваць такія замкі, як Мірскі, што ваенная пагроза была ліквідаваная.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары15
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары