Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда
Аляксандр Агапаў вырашыў сэканоміць на страхоўцы. А калі дрэнна адчуў сябе падчас кадэнцыі, то пабаяўся выклікаць хуткую дапамогу, каб не пераплаціць — і тры дні з інсультам чакаў зменшчыка.
Нагадаем, Аляксандр Агапаў атрымаў сваю хвіліну славы, калі ў Германіі паўдзельнічаў у апытанцы рускамоўнага блогера Адынаева.
Аляксандр, які тады працаваў дальнабойшчыкам з Брэста, прызнаваўся ў любові да Лукашэнкі і казаў, што таго ў Беларусі падтрымлівае 99%. Відэа было апублікавана яшчэ летась, але сёлета зноў стала вірусным.
Як высветліла «Наша Ніва», герой відэа раней быў памежнікам — у адпаведнай форме яго можна пабачыць на фотаздымках БелТА яшчэ ў мінулым годзе.
Цяпер ён дальнабойшчык. Таксама Аляксандр развівае свой блог у тыктоку і мае больш за 15 тысяч падпісчыкаў.
Але нядаўна ён трапіў у бяду — пра гэта распавёў яго сябар, дальнабойшчык-блогер, які вядзе тыкток пад нікам «Барада на сувязі». Па яго словах, Аляксандр Агапаў вырашыў сэканоміць на страхоўцы:
«Мы прыязджаем сюды зарабіць грошы і спрабуем сэканоміць не толькі на сваім страўніку, але і на сваім здароўі. Цана жыцця — усяго каля 20‑30 еўра штомесяц».
Блогер удакладніў, што падчас кадэнцыі Аляксандр адчуў сябе дрэнна. Звязаўся са сваім працадаўцам, але той напалохаў імавернымі рахункамі за выклік хуткай дапамогі — прагучала сума 500 еўра. Сказаў, што кіроўцу ўсё прыйдзецца аплачваць самастойна.
— У Аляксандра быў інсульт. Тры дні пакутаваў, пасля чаго прыехаў зменшчык, яго забраў — і ў маршрутку, павёз на мяжу Беларусі. Адразу з мяжы яго забрала хуткая дапамога, павезлі на аперацыйны стол. Рабілі яму трэпанацыю чэрапа — і ў гэты момант адбыўся другі інсульт. Здаровы мужык — не п’е, займаецца спортам, дапамагае людзям…
У якасці доказаў расказчык прыклаў сумеснае відэа з Аляксандрам, дзе той заклікаў усіх дальнабойшчыкаў дапамагаць адно аднаму. Распавядаў, як заставаўся без ежы, і малдаване давалі яму каўбасу, а ўкраінцы — хлеб. Казаў, што і сам не праходзіць міма чужой бяды.
Наколькі вядома, адбылося ўсё ў Нідэрландах яшчэ ў сакавіку — разрыў анеўрызмы. Ратавалі жыццё Аляксандру ў Мінску. Каштоўны час быў упушчаны — аперацыю неабходна было рабіць у першыя тры дні. А дальнабойшчык тады чакаў, калі яго забярэ зменшчык, замест таго, каб звярнуцца па медыцынскую дапамогу.
Цяпер Агапаў лечыцца ў адной з бальніц Брэста. Прагнозы дактароў не вельмі аптымістычныя — цалкам аднавіцца мужчына хутчэй за ўсё не зможа.
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты
Дальнабойшчыка з Дружнага, які працаваў у Еўрасаюзе, асудзілі па палітычнай справе
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Дальнабойшчыка з Ліды, які вярнуўся з Еўрасаюза, кінулі за краты па трох крымінальных артыкулах
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары