Свет11

Трамп заявіў, што перамовы з Іранам могуць аднавіцца ў бліжэйшыя дні

Першы раўнд кансультацый завяршыўся правалам.

Фота Alex Brandon / AP

Прэзідэнт ЗША Дональд Трамп у аўторак увечары сказаў, што другі раунд перамоваў з Тэгеранам можа прайсці ў бліжэйшыя два дні. Першы раўнд кансультацый, які прайшоў у выхадныя ў сталіцы Пакістана Ісламабадзе, завяршыўся правалам, піша Бі-бі-сі.

«У бліжэйшыя два дні можа нешта адбыцца, і мы больш схіляемся да таго, каб адправіцца туды», — сказаў Трамп у тэлефонным інтэрв'ю выданню New York Post.

Раней высокапастаўленыя пакістанскія крыніцы паведамілі агенцтву AFP, што ўлады краіны працуюць над тым, каб зноў звесці прадстаўнікоў Вашынгтона і Тэгерана, а таксама над прадаўжэннем дзеючага двухтыднёвага перамір'я.

У інтэрв'ю Associated Press міністр фінансаў Пакістана Мухамад Аўрангзеб таксама заявіў, што пакістанскае кіраўніцтва працягвае намаганні па садзейнічанні дыялогу паміж ЗША і Іранам, нагадаўшы, што сустрэча ў Ісламабадзе ў суботу стала першымі прамымі перамовамі паміж дзвюма краінамі за амаль 50 гадоў.

«Мы вельмі хацелі б паглядзець, ці зможам мы працягнуць дыялог, — сказаў ён у кулуарах пасяджэнняў Міжнароднага валютнага фонду і Сусветнага банка. — Мы будзем працягваць намаганні, і наша кіраўніцтва займаецца гэтым».

Паводле даных крыніц тэлекампаніі CNN, у другім раўндзе кансультацый з Тэгеранам зноў прымуць удзел віцэ-прэзідэнт ЗША Джэй Дзі Вэнс, а таксама спецпасланнікі Дональда Трампа Стыў Уіткfф і Джарэд Кушнер, якія ў выхадныя вялі перамовы з іранскімі афіцыйнымі асобамі ў Ісламабадзе.

Трамп даручыў знайсці дыпламатычны выхад з вайны і працягвае давяраць ім выкананне гэтай задачы, сказалі крыніцы CNN.

Паведамляецца, што прадстаўнікі адміністрацыі абмяркоўваюць дэталі магчымай сустрэчы, хоць па стане на вечар аўторка заставалася незразумелым, ці адбудзецца яна. Іран таксама пакуль не пацвярджаў, што падрыхтоўка да сустрэчы вядзецца.

«Будучыя перамовы знаходзяцца на стадыі абмеркавання, але на дадзены момант нічога не запланавана», — паведаміў CNN адзін з амерыканскіх чыноўнікаў.

Сам Джэй Дзі Вэнс пазней выказаў аптымізм з нагоды перамоваў з Іранам і сказаў, што мае намер працягваць дыпламатычныя намаганні, нягледзячы на няўдалы першы раўнд.

Па словах Вэнса, перагаворшчыкі «дасягнулі велізарнага прагрэсу» ў Пакістане ў мінулыя выхадныя, аднак Дональд Трамп не імкнецца да «нязначнай здзелкі» з Іранам, а хоча заключыць «вялікую здзелку ў стылі Трампа».

Па словах Вэнса, прэзідэнт імкнецца перашкодзіць Ірану стварыць ядзерную зброю або фінансаваць прызнаныя ЗША тэрарыстычнымі групоўкі ў абмен на зняцце санкцый, што дапаможа іранскаму народу «квітнець і далучыцца да сусветнай эканомікі».

«Я буду працягваць змагацца, каб гэта адбылося, — сказаў Вэнс на мерапрыемстве Turning Point USA. — Я вельмі задаволены тым, дзе мы знаходзімся».

Каментары1

  • Казала-мазала
    15.04.2026
    Сёння сказаў адно, заўтра сказаў, што не казаў.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць