У Варшаве пасялілі чалавекападобнага робата — ён ганяе дзікоў і размаўляе з народам
У Варшаве з’явіўся новы гарадскі герой. Яго назвалі людскім іменем: «Эдвард Вархоцкі». Тое, што задумлялася як жарт, стала сімвалам будучыні, якая нечакана ўваходзіць у штодзённае жыццё.
Эдвард Вархоцкі — гэта гуманоідны робат мадэлі Unitree G1 вышынёй 132 сантыметры, распрацаваны кітайскай кампаніяй Unitree Robotics. Гэта адносна кампактная і мабільная платформа новага пакалення, здольная хадзіць на дзвюх нагах, утрымліваць раўнавагу і выконваць базавыя дзеянні з дапамогай сістэм штучнага інтэлекту і дыстанцыйнага кіравання.
Яго «варшаўскую асобу» і публічны вобраз стварылі польскія энтузіясты Барташ Ідзік і Радаслаў Гжэлачык. Першапачаткова праект задумляўся як забаўка і эксперымент, але вельмі хутка ператварыўся ў вірусную з’яву.
У адрозненне ад тыповых дэманстрацыйных робатаў, Эдвард паводзіць сябе як яркі медыйны персанаж. Ён мае ўласныя акаўнты ў сацсетках, дзе ад яго імя з’яўляюцца жарты, каментары і відэа, на якіх Эдвард «размаўляе» з аўдыторыяй, каментуе навіны і трапляе ў розныя гарадскія сітуацыі.
Piąteczek pic.twitter.com/X5GuD9OYGv
Адзін з эпізодаў адбыўся ў варшаўскім Цэнтры «Капернік» — суперсучасным музеі навукі і тэхнікі, куды прыязджаюць людзі з усёй Еўропы. У відэа, якое разышлося ў інтэрнэце, Эдвард выказвае абурэнне з нагоды таго, што яго не пускаюць усярэдзіну: маўляў, ён прыйшоў вучыцца і паказаць, што робаты таксама могуць пазнаваць свет. Сітуацыя скончылася ўмяшаннем аховы і паліцыі, што выклікала дыскусію — ці гатовае грамадства, маральна і юрыдычна, да прысутнасці такіх робатаў у публічных прасторах.
Chciałem dobrze, co Wy o tym myślicie? pic.twitter.com/5M0DlQM0Ef
Гэта быў не адзіны выпадак, калі робат прыцягваў увагу. У сакавіку Эдварда запрасілі ў Сейм, дзе ён не толькі адказваў на пытанні, але і сам іх задаваў.
Ale jaki ale jaki jaki jaki jaki agresywny pic.twitter.com/qVgdxA1nmu
Ён таксама удзельнічаў у медыйных мерапрыемствах, у тым ліку ў шоу «Танцы з зоркамі», і нават стартаваў у Варшаўскім паўмарафоне.
Асаблівую папулярнасць атрымала відэа, на якім Эдвард выганяе дзікоў з варшаўскай вуліцы.
sio sio sio pic.twitter.com/7KVZoXXdDJ
Як піша MRKT3.0 Magazine, стваральнікі Эдварда сцвярджаюць, што падобныя гуманоідныя робаты могуць стаць звычайнай з’явай ужо ў найбліжэйшыя пяць гадоў. Іх аргументы прагматычныя: машыны не хварэюць, не патрабуюць адпачынку і могуць працаваць бесперапынна. Пры гэтым яны прызнаюць, што сучасныя тэхналогіі яшчэ далёкія ад поўнага ўзнаўлення чалавечых эмоцый.
Wesołych Świąt! pic.twitter.com/qPflxyE75A
Эдварда ўжо спрабуюць пазіцыянаваць не толькі як забаўляльны праект, але і як магчымы прататып будучых «спадарожнікаў», асабліва для адзінокіх або пажылых людзей, — ён заўсёды даступны, прыязны і функцыянальны.
Dzień dobly pic.twitter.com/dkF0VK6KgG
Але разам з гэтым, па меры таго, як робаты, падобныя да Эдварда, становяцца ўсё больш здольнымі і часцей прысутнічаюць у нашых гарадах, узнікаюць і больш складаныя пытанні: ці заменяць яны людзей у працы, як зменяцца грамадскія нормы і якім стане суіснаванне чалавека і машыны ў гарадской прасторы.
Jedziemy pic.twitter.com/zg5urBJ23N
Паводле Ідзіка і Гжэлачыка, тэндэнцыя развіцця сюжэта сведчыць аб тым, што прынамсі часткова робаты заменяць людзей ў многіх задачах. Яны таксама бачаць больш калабаратыўную будучыню, дзе робаты дапаўняюць чалавечае жыццё, а не проста замяняюць яго. Але пакуль што Эдвард Вархоцкі стаў феноменам поп-культуры.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны38
Каментары
ну прам такі...
муж неяк сказаў - ніякі робат ці станок не можа вырабіць звыш таго, што ў яго закладзена праграмай і т.п., а на чалавека наарэш, дак ён табе тры змены ў адну адпрацуе