Міністэрства замежных спраў Афганістана адкрыла магчымасць адкрыць візу ў гэту краіну анлайн. Сярод іншых ёй могуць скарыстацца і грамадзяне Беларусі.
«Афганістан — гэта схаваная каштоўнасць для падарожнікаў, якія шукаюць унікальных і незабыўных уражанняў. Гэтая старажытная зямля вядомая сваёй прыроднай прыгажосцю, ад якой захоплівае дыханне, чароўнымі гістарычнымі мясцінамі і самабытнай культурай.
Адкрыйце для сябе экзатычнае хараство Афганістана, дзе старажытная гісторыя пераплятаецца з маляўнічымі ландшафтамі і яркай культурай. Пачніце сваё падарожжа сёння — падайце заяўку на афганскую візу проста цяпер!» — завабліваюць падарожнікаў на адпаведнай старонцы.
Кошт афганскай анлайн-візы — 120 даляраў + 8,5 даляраў камісіі.
Раней Афганістан, якім з 2021 года зноў кіруе ісламісцкі рух Талібан, завабліваў турыстаў у краіну ролікам, у якім абыгрываецца выкраданне людзей.
Цяпер чытаюць
Андрэя Пачобута памянялі на лукашэнкаўскіх шпіёнаў, арыштаваных у Польшчы32
Каментары