У Нясвіжы адкрылі памятны знак да Года беларускай жанчыны. Ён падобны на надмагілле
У Нясвіжы 25 красавіка ўрачыста адкрылі памятны знак у гонар работніц жыллёва-камунальнай гаспадаркі. Ініцыятыву прымеркавалі да абвешчанага Лукашэнкам Года беларускай жанчыны. Аднак знешні выгляд знака моцна здзівіў.
Знак паставілі на набярэжнай, дзе таксама заклалі алею з вербаў і яблынь.
«Гэта падзея, прымеркаваная да Года беларускай жанчыны, абвешчанага кіраўніком дзяржавы ў 2026 годзе, закладае новую, цудоўную традыцыю — выказваць глыбокую павагу, удзячнасць і захапленне жанчынам, чыя добрасумленная праца ў сістэме ЖКГ заслугоўвае самых цёплых слоў», — даводзіць мясцовая прэса значэнне падзеі.
Падчас цырымоніі намеснік міністра ЖКГ Андрэй Рамашка падкрэсліў, што з 110 тысяч работнікаў галіны больш за 30 тысяч — гэта жанчыны, якія працуюць усюды: ад кацельняў і двароў да офісаў і спецтранспарту.
Але памятны знак беларускай жанчыне ЖКГ чамусьці паставілі ў выглядзе надмагільнага помніка. Каментатары не хавалі абурэння.
«Гэта магільная пліта?».
«Вечная памяць».
«Божа, які трэш!!!! Няўжо, пакуль манціравалі, нічога ў галовы іх не прыйшло. Памінкі беларускай жанчыны».
«Гэта ж прыкол, так?»
«Жанчыны ЖКГ пад гэтай надмагільнай плітой, іх там і пахавалі? Усіх разам?»
«Гэта што, братэрская (сястрынская) магіла жанчын ЖКГ? Неяк страшна стала».
«Я падумала, не прачытаўшы, нейкая Алеся памерла. ***дзец, хто там такі крэатыўны».
«Таксама падумала: надмагілле Алесі».
«Яшчэ год жанчыны не скончыўся, а яны яе ўжо пахавалі».
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам7
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары