Мінчанка пабачыла на двары, як мужчына драпае ключамі чужую машыну. І не прайшла міма
Жыхар Мінска звярнуўся ў міліцыю пасля таго, як знайшоў на сваёй машыне драпіну і запіску пад дворнікам.
У запісцы быў пазначаны нумар тэлефона жанчыны, якая стала сведкай здарэння. Яна паведаміла, што бачыла, як невядомы мужчына наўмысна падрапаў прыпаркаваны аўтамабіль ключамі, пасля чаго пайшоў далей.
Каб дапамагчы ўладальніку, мінчанка зняла парушальніка на відэа і пакінула кіроўцу свае кантакты.
Абапіраючыся на відэа, сілавікі хутка ўстанавілі і затрымалі падазраванага. Ім аказаўся 41‑гадовы мужчына.
Затрыманы прызнаўся, што вяртаўся дадому ў стане алкагольнага ап’янення пасля расставання з дзяўчынай. Паводле яго слоў, з-за злосці ён пашкодзіў аўтамабіль, які нібыта перашкаджаў яму прайсці.
Раней мужчына ні ў чым падобным заўважаны не быў, але цяпер супраць яго распачалі крымінальную справу за хуліганства. Памер нанесенай шкоды ацанілі ў 800 рублёў, і мужчыну давядзецца яе кампенсаваць.
П'яны мінчук кідаўся з нажом і каменем на мінака, які зрабіў таму заўвагу за непрыстойныя паводзіны
«Аблівалі фарбай помнікі, вырывалі крыжы». Падлеткі пашкодзілі больш за 50 магіл на Радаўніцу. Іх затрымаў спецназ
«Яўным хуліганам на дарозе не месца!» Кубракоў апалчыўся на матацыклістаў
У Мінску мужчына напаў на кіроўцу, які асляпіў фарамі ягоную былую жонку
Каментары