Пляжу каля палаца — да мора з будынка ідзе тунэль — пагражаюць наступствы экалагічнай катастрофы ў выніку ўдараў па Туапсэ.
Спадарожнікавыя здымкі паказваюць вялікую нафтавую пляму, якая рухаецца ўздоўж узбярэжжа ў бок Геленджыка і мыса Ідакапас. Менавіта там знаходзіцца раскошны палац Пуціна. Цяпер пляма знаходзіцца ад яго прыкладна за 30 км.
Палацавы комплекс плошчай амаль 20 тысяч квадратаў з тронам у дамовай царкве і падземным лядовым палацам (залу для стрыптызу з шастом перабудавалі пасля расследавання Навальнага), здаецца, таксама стане ахвярай удараў Украіны па нафтаперапрацоўчым заводзе і порце ў Туапсэ. Пляжу каля палаца — да мора з палаца вядзе тунэль — пагражаюць наступствы нафтавай экалагічнай катастрофы.
НПЗ у Туапсэ за апошнія тыдні чатыры разы атакавалі ўкраінскія беспілотнікі. Першыя ўдары 16 і 20 красавіка выклікалі вялікія пажары, якія былі бачныя нават з космасу. Таксічныя рэчывы выпадалі з дажджом на горад, пакрываючы аўтамабілі і вуліцы масляністымі плямамі. Эксперты кажуць пра найбуйнейшую экалагічную катастрофу ў рэгіёне за апошнія гады. Жыхары носяць маскі з-за атручанага паветра, людзей з дамоў побач з НПЗ прыйшлося эвакуяваць. «Горад задыхаецца ў дыме», — напісаў адзін з жыхароў у сацыяльных сетках.
Эксперты папярэджваюць, што забруджванне можа пашкодзіць мясцовыя экасістэмы і знізіць турыстычную прывабнасць рэгіёна.
Украіна ўзяла адказнасць за ўдары на сябе як частку сваёй кампаніі супраць расійскага энергетычнага сектара — галоўнай крыніцы даходаў Расіі.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома14
Каментары
Цудоўная навіна дзякуй НН, як і пісаў тут шмат разоў, мы Беларусы рухаемся да поўнай дэкаланізацыі Маскоўскай імперыі .