Plažu kala pałaca — da mora z budynka idzie tunel — pahražajuć nastupstvy ekałahičnaj katastrofy ŭ vyniku ŭdaraŭ pa Tuapse.
Spadarožnikavyja zdymki pakazvajuć vialikuju naftavuju plamu, jakaja ruchajecca ŭzdoŭž uźbiarežža ŭ bok Hielendžyka i mysa Idakapas. Mienavita tam znachodzicca raskošny pałac Pucina. Ciapier plama znachodzicca ad jaho prykładna za 30 km.
Pałacavy kompleks płoščaj amal 20 tysiač kvadrataŭ z tronam u damovaj carkvie i padziemnym ladovym pałacam (zału dla stryptyzu z šastom pierabudavali paśla rasśledavańnia Navalnaha), zdajecca, taksama stanie achviaraj udaraŭ Ukrainy pa naftapierapracoŭčym zavodzie i porcie ŭ Tuapse. Plažu kala pałaca — da mora z pałaca viadzie tunel — pahražajuć nastupstvy naftavaj ekałahičnaj katastrofy.
NPZ u Tuapse za apošnija tydni čatyry razy atakavali ŭkrainskija bieśpiłotniki. Pieršyja ŭdary 16 i 20 krasavika vyklikali vialikija pažary, jakija byli bačnyja navat z kosmasu. Taksičnyja rečyvy vypadali z daždžom na horad, pakryvajučy aŭtamabili i vulicy maślanistymi plamami. Ekśpierty kažuć pra najbujniejšuju ekałahičnuju katastrofu ŭ rehijonie za apošnija hady. Žychary nosiać maski z-za atručanaha pavietra, ludziej z damoŭ pobač z NPZ pryjšłosia evakujavać. «Horad zadychajecca ŭ dymie», — napisaŭ adzin z žycharoŭ u sacyjalnych sietkach.
Ekśpierty papiaredžvajuć, što zabrudžvańnie moža paškodzić miascovyja ekasistemy i źnizić turystyčnuju pryvabnaść rehijona.
Ukraina ŭziała adkaznaść za ŭdary na siabie jak častku svajoj kampanii suprać rasijskaha enierhietyčnaha siektara — hałoŭnaj krynicy dachodaŭ Rasii.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Cudoŭnaja navina dziakuj NN, jak i pisaŭ tut šmat razoŭ, my Biełarusy ruchajemsia da poŭnaj dekałanizacyi Maskoŭskaj impieryi .