У Мінску ў найбліжэйшы час з’явіцца некалькі новых аб’ектаў, якія павінны зрабіць горад больш прывабным для турыстаў і ўнесці разнастайнасць у гарадскую прастору, расказаў БелТА дырэктар КУП «Мінская спадчына» Аляксандр Яцко.
Адзін з ключавых праектаў — Пішчалаўскі замак (ці па-народнаму Валадарка), дзе раней размяшчалася СІЗА-1. Яго плануюць не проста адрамантаваць, а пераўтварыць у шматфункцыянальны комплекс.
Там збіраюцца адкрыць аб’екты гандлю і харчавання, праводзіць культурныя мерапрыемствы, а таксама стварыць музей, прысвечаны гісторыі самога комплексу і яго развіццю.
Яшчэ адзін кірунак — Лошыцкі парк. Там працягваецца аднаўленне гістарычнай забудовы XIX стагоддзя. У планах аднавіць млын і ператварыць яго ў рэстаран. Таксама плануецца аднавіць капліцу, у якой будзе інфармацыйны цэнтр. Менавіта адтуль будуць пачынацца экскурсіі па парку, што павінна зрабіць яго больш структураваным і зручным для наведвальнікаў.
Асобная навінка — тэрыторыя каля Палаца спорту. Там з’явіцца 16 невялікіх нестацыянарных гандлёвых аб’ектаў. У іх размесцяць пункты грамадскага харчавання, будуць працаваць рамеснікі, а таксама адкрыюцца інфармацыйныя і забаўляльныя зоны. Такім чынам плануецца стварыць новае месца для адпачынку ў цэнтры горада і «стварыць паўнавартасную канкурэнцыю так званым прыватным гастрадварам».
Акрамя турыстычных аб’ектаў, у горадзе таксама з’явіцца новы спецыялізаваны архіўны будынак плошчай больш за 20 тысяч квадратных метраў. Ён прызначаны для захоўвання архіваў Мінска і дзяржаўных ведамстваў і будзе абсталяваны сучаснымі сістэмамі для бяспечнага захоўвання дакументаў.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары