Апублікаваная запіска, якую, меркавана, Эпштэйн напісаў перад спробай самагубства
«Гэта сапраўдны падарунак — мець магчымасць самому выбраць час для развітання», — паведамлялася ў запісцы.
Суд у ЗША апублікаваў фота перадсмяротнай запіскі, меркавана напісанай фінансістам Джэфры Эпштэйнам перад яго няўдалай спробай самагубства ў турме ў ліпені 2019 года.
Пра гэта піша The New York Times, дадаючы, што ў іх няма дакладных доказаў таго, што запіску сапраўды напісаў менавіта Эпштэйн.
Запіску знайшоў сукамернік Эпштэйна, былы паліцэйскі Нікалас Тарталіёнэ.
У ёй Эпштэйн паведамляе, што доказы абвінавачанняў супраць яго не былі знойдзеныя, нягледзячы на «месяцы допытаў».
«Гэта сапраўдны падарунак — мець магчымасць самому выбраць час для развітання, — казалася ў запісцы. — І чаго вы ад мяне хочаце — каб я расплакаўся! Ніякай радасці. Гэта таго не варта!»
Подпісу на запісцы няма.
Міністэрства юстыцыі ЗША пакуль не пракаментавала сітуацыю. Запіска прайшла почырказнаўчую экспертызу, якая пацвердзіла падабенства з почыркам Эпштэйна.
У ліпені 2019 года Эпштэйна знайшлі ў турэмнай камеры без прытомнасці і з траўмамі шыі. Пасля гэтага яго перавялі ў камеру з мяккімі сценамі пад пастаянны нагляд, але пазней вярнулі ў звычайную. У жніўні 2019 года фінансіста знайшлі мёртвым.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары