Найбуйнейшыя беларускія сэрвісы таксі дамовіліся з Міністэрствам антыманапольнага рэгулявання і гандлю пра новыя правілы працы ў перыяды павышанага попыту, паведамляе прэс-служба МАРГ.
Здымак ілюстрацыйны. Фота: «Наша Ніва»
Да пагаднення далучыліся ТАА «БелГо Корп» («Яндэкс Go»), УП «А1» («A1 Таксі») і ТАА «АўтаЮрлайн» («Таксі 152»).
У прыватнасці, гаворка ідзе пра дамоўленасць не завышаць цэны ў перыяды пікавага попыту (напрыклад, пры экстрэмальным надвор'і або падчас буйных міжнародных мерапрыемстваў).
Так, дыспетчары таксі абавязваюцца:
- устрымлівацца ад павышэння кошту паслуг па дыспетчарызацыі;
- прымаць меры па стымуляванні перавозчыкаў для забеспячэння неабходнай колькасці аўтамабіляў на лініі;
- абмяжоўваць значэнне павышаючага каэфіцыента да цаны перавозкі пасажыра ўзроўнем не больш за тры.
Акрамя таго, дакументам прадугледжана эфектыўнае інфармацыйнае ўзаемадзеянне са спажыўцамі і рэалізацыя сацыяльных праектаў.
Пагадненне адкрытае для далучэння іншых дыспетчараў таксі, якія гатовы прыняць на сябе гэтыя абавязальствы.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку23
Каментары