Алена адпачывала ў Францыі і набыла там банкноту €0. На купюры ёсць усе сапраўдныя элементы абароны: вадзяныя знакі, галаграма, серыйны нумар, піша Myfin.
Нулявыя купюры з’явіліся ў 2015 годзе. Іх прыдумаў французскі прадпрымальнік Рышар Файль.
Паводле яго задумы, турыстычныя аб’екты могуць атрымліваць такія банкноты з выявай славутасці і прадаваць іх як сувеніры. Напрыклад, у Алены на купюры адлюстраваны фрагмент палеалітычнага наскальнага жывапісу. Тая банкнота прысвечана археалагічнаму помніку — пячоры Каске ў Францыі.
Што цікава, купюры друкуе французская кампанія Oberthur Technologies — адзін з афіцыйных партнёраў Еўрапейскага цэнтральнага банка па вытворчасці еўра.
Іх вырабляюць па ліцэнзіі European Central Bank з 2015 года на той жа баваўнянай паперы, што і сапраўдныя грошы.
Адзінае, чым адрозніваюцца сувенірныя купюры, — нулявы намінал.
Што рабіць з €0
Вядома, расплачвацца такімі купюрамі нельга. Але ёсць варыянты, як на іх зарабіць.
Нулявыя еўра выпускаюцца невялікімі тыражамі (3—10 тысяч), што робіць іх цікавымі для калекцыянераў. Аднак попыт моцна залежыць ад таго, што на іх адлюстравана і якую славутасць яны прадстаўляюць.
Банкнота да гадавіны адкрыцця музея ў маленькім горадзе можа застацца незаўважанай. А купюры з Марксам, Моцартам або Гаўдзі прыцягваюць значна больш увагі.
Сувенірныя еўра можна знайсці ў нумізматычных супольнасцях, на eBay і нават на Kufar. Напрыклад, за такую ж купюру, як у Алены, на eBay просяць €6.
Рэдкія выпускі можна прадаць за €20—30.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары