Генсак НАТА прапанаваў членам альянсу выдзяляць на дапамогу Украіне па 0,25% ВУП
Генеральны сакратар НАТА Марк Рутэ прапанаваў, каб краіны альянсу штогод выдзялялі Украіне суму, роўную 0,25% свайго ВУП. Паводле інфармацыі выдання Politico, такую ідэю ён выказаў на закрытай сустрэчы паслоў НАТА напрыканцы красавіка падчас падрыхтоўкі да летняга саміту альянсу ў Турцыі.
Калі прапанову падтрымаюць усе краіны НАТА, агульны аб’ём дапамогі Украіне можа павялічыцца амаль утрая і дасягнуць каля 143 мільярдаў даляраў у год.
Рутэ хоча зрабіць падтрымку Кіева больш стабільнай і прадказальнай, а таксама паменшыць незадаволенасць сярод саюзнікаў, бо некаторыя краіны выдзяляюць значна больш сродкаў, чым іншыя. Найбольшую дапамогу адносна свайго ВУП цяпер аказваюць краіны Паўночнай Еўропы і Балтыі, Польшча і Нідэрланды, найменш энтузіязму — у краін Паўднёвай Еўропы.
Ініцыятыва Рутэ ўжо сустрэла супраціў з боку некаторых буйных дзяржаў, у тым ліку Францыі і Вялікабрытаніі. Для прыняцця такога рашэння неабходная згода ўсіх членаў НАТА, таму пакуль невядома, ці атрымае прапанова падтрымку.
Пытанне могуць абмеркаваць на сустрэчы міністраў замежных спраў краін НАТА, якая адбудзецца на наступным тыдні ў шведскім Гельсінгборгу.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары