Прэм'ер Кыргызстана загадаў чыноўнікам хадзіць без пінжакоў, каб ашчаджаць электрычнасць
Кіраўнік Кабінета міністраў Кыргызстана Адылбек Касымаліеў 13 мая падчас працоўнай нарады даручыў дзяржаўным службоўцам адмовіцца ад пінжакоў і прыходзіць на працу ў кашулях у мэтах эканоміі электраэнергіі, піша «Настоящее время».
«Мы ўсе павінны зняць касцюмы і прыходзіць у кашулях», — сказаў кыргызстанскі прэм'ер.
Кіраўнік урада спаслаўся на вопыт Японіі, дзе ў 2005 годзе ўлады запусцілі кампанію Cool Biz, якая прадугледжвала памяншэнне спажывання электраэнергіі за кошт абмежавання выкарыстання кандыцыянераў і ўвядзення ліберальнага дрэс-кода.
«У Японіі быў такі вопыт. Летам, калі спажываецца шмат электраэнергіі, яны перайшлі на такую форму. Яны пачалі прыходзіць на працу ў кашулях без гальштукаў, у выніку чаго дзяржава ашчадзіла мільярды ен», — заявіў Адылбек Касымаліеў.
За апошнія пяць гадоў спажыванне электраэнергіі ў Кыргызстане павялічылася больш чым на 25% — з 15,4 мільярда кілават-гадзін у 2020 годзе да 19,3 мільярда кілават-гадзін да канца 2025-га. Рост попыту апярэджвае тэмпы ўводу новых генерацыйных магутнасцяў, што ўзмацняе нагрузку на энергетычную сістэму краіны. Спецпрадстаўнік прэзідэнта краіны па асаблівых даручэннях Бакыт Тарабаеў казаў, што калі бягучыя тэмпы росту захаваюцца, то да 2030 года спажыванне электраэнергіі ў Кыргызстане можа дасягнуць 25 мільярдаў кілават-гадзін.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Ганьбішча у параўнанні з Кіргызстанам. Самы хітры ужо ніколі не паверыць у тое, што проста дурнейшы за многіх. За прэм'ера Кіргызстана, прынамсі, Адылбека Касымаліева.
Алгарытм - слова не са Шклова, а з Харэзма. Аль Харэзмі.
"Наклоните его" (с) Наглядчык магілёўскай турмы, паклоннік англійскай і рускай моў, госць таварыша Сі, пагранічнік, унутраны воін у турме, дырэктар завода будматэрыялаў у зоне, Прэзідэнт Беларусі...
Вось сучасныя [чорна]рускія словы.