Мерц заявіў, што ЗША больш не «краіна магчымасцяў». Сваіх дзяцей ён бы туды не адпраўляў
Федэральны канцлер Германіі Фрыдрых Мерц заявіў, што ў цяперашніх умовах ён не раіў бы сваім дзецям вучыцца ці працаваць у ЗША. Пра гэта ён сказаў на канферэнцыі маладых каталікоў у Вюрцбургу 15 мая, паведамляе The Guardian.
Фрыдрых Мерц сказаў, што больш не ўспрымае ЗША як краіну магчымасцяў праз імклівыя змены «сацыяльнага клімату» і глыбокую палярызацыю грамадства.
«Сёння я б не раіў сваім дзецям ехаць у ЗША, атрымліваць там адукацыю ці працаваць, проста таму, што там раптам склаўся пэўны сацыяльны клімат. Нават самым адукаваным людзям у Амерыцы сёння вельмі цяжка знайсці працу», — адзначыў ён.
Мерц заклікаў немцаў не ўпадаць у песімізм адносна глабальнай сітуацыі і з большым аптымізмам ацэньваць магчымасці сваёй краіны.
«Я цвёрда перакананы, што ў свеце мала краін, якія прапануюць такія цудоўныя магчымасці, асабліва для моладзі, як Германія», — сказаў ён.
Каментары Мерца наконт ЗША адразу выклікалі рэакцыю сярод прыхільнікаў Дональда Трампа. Былы пасол ЗША ў Германіі Рычард Грэнел назваў словы Мерца праявай «сіндрому непрыняцця Трампа» і адзначыў, што яны супярэчаць нядаўняму «мяккаму і лісліваму» тону сустрэчы Мерца з прэзідэнтам у Белым доме.
«У немцаў лідар, які не мае ніякай стратэгіі — і цалкам знаходзіцца пад кантролем нямецкіх воук-СМІ», — напісаў ён у сацсетцы X.
Адносіны паміж Дональдам Трампам і Фрыдрыхам Мерцам цяпер вельмі напружаныя пасля ўзаемнай крытыкі ў красавіку 2026 года. Мерц раней заяўляў, што ЗША нібыта «церпяць прыніжэнне» з боку Ірана, а таксама раскрытыкаваў спробы Вашынгтона выйсці з вайны, у якую амерыканцы ўступілі без выразна акрэсленых мэтаў.
У адказ Трамп заявіў, што нямецкаму канцлеру варта больш увагі надаваць спыненню вайны Расіі супраць Украіны. Паводле слоў амерыканскага палітыка, у гэтым пытанні Мерц дзейнічае «абсалютна неэфектыўна». Акрамя таго, Трамп заклікаў яго заняцца ўнутранымі праблемамі Германіі, у тым ліку міграцыяй і энергетыкай.
Пазней Трамп паведаміў у сваёй сацсетцы Truth Social, што яго адміністрацыя разглядае магчымасць скарачэння амерыканскай вайсковай прысутнасці ў Германіі. Неўзабаве гэтая заява ўвасобілася і ў практычныя рашэнні.
Пасля гэтага міністр абароны Германіі Барыс Пісторыус заклікаў еўрапейскія краіны мацней укладвацца ва ўласную абарону. Ён адзначыў, што такія планы ЗША былі чаканымі і павінны падштурхнуць Еўропу браць больш адказнасці за сваю бяспеку.
Цяпер чытаюць
У Мінску масажыст Андрэй таемна здымаў голых кліентак27
Каментары
С чего бы это Германии перестать быть страной возможностей? В соседних странах дети изучают немецкий, тк в Германии и Швейцарии зп выше. В Штаты валят индусы и пакистанцы теперь, потому там стало много сложнее устроиться.
Но по инструкции очевидно надо писать: из Германии разбежались)))
Ну, лишь бы знали, где Германия и где Штаты находятся, а там пусть пишут, что велено.