Доказаў генацыду ў Газе выяўлена не было — галоўны пракурор Міжнароднага крымінальнага суда
Для такіх высноў неабходная канкрэтная доказная база, і на дадзены момант Карым Хан яе не бачыць.
Галоўны пракурор Міжнароднага крымінальнага суда Карым Хан зараз не бачыць дастатковых доказаў генацыду з боку Ізраіля ў сектары Газа. Пра гэта ён заявіў у інтэрв’ю, піша Bild.
Раней Хан запытаў ордары на арышт прэм’ер-міністра Ізраіля Біньяміна Нетаньяху і былога міністра абароны Ёва Галанта па падазрэнні ў ваенных злачынствах і злачынствах супраць чалавечнасці, аднак ад абвінавачанняў у генацыдзе ён свядома адмовіўся.
У размове з брытанска-амерыканскім журналістам Мехдзі Хасанам Хан растлумачыў сваё рашэнне. Ён падкрэсліў, што пракуроры не павінны дзейнічаць пад уплывам палітычных лозунгаў або грамадскага ціску, а абавязаны абапірацца выключна на доказы.
Хасан звярнуў увагу на тое, што многія эксперты, а таксама яго папярэднік Луіс Марэна Акампа ўжо называюць дзеянні Ізраіля ў вайне генацыдам. Аднак Хан даў зразумець, што МКС для такіх высноў неабходная канкрэтная доказная база — і на дадзены момант ён яе не бачыць.
«Пракурор, які дзейнічае толькі пад ціскам грамадскай думкі, быў бы безразважным пракурорам. Рашэнні прымаюцца на аснове доказаў, — сказаў ён і дадаў. — Расследаванне не завершана. Яно працягваецца».
Пракурор таксама спаслаўся на справу супраць Пуціна: ён параўнаў гэта з дзеяннямі суда ў дачыненні да Расіі ў сувязі з вайной ва Украіне. Паводле слоў Хана, міжнародны суд «спачатку запытаў ордары на арышт па справе аб дэпартацыі ўкраінскіх дзяцей, а пазней ініцыяваў дадатковыя разборы, звязаныя з атакамі на грамадзянскую інфраструктуру».
Хан лічыць, што аналагічным чынам можа развівацца і расследаванне па Газе. Пры гэтым у інтэрв’ю ён падкрэсліў маштаб пакут грамадзянскага насельніцтва і заявіў, што яго ведамства працягвае працу над расследаваннем.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
Генацыдддд, толькі насельніцтва лайдакоў там у некалькі разоў павялічвалася, а самі нічога не вырабляючы і не робячы акрамя тунэляў і ракет з трубаў.
[Зрэдагавана]