Сярод лідараў краін былога СССР расіяне найбольш давяраюць Лукашэнку — дзяржаўны саццэнтр
Аляксандр Лукашэнка з велізарным адрывам узначаліў расійскі рэйтынг даверу сярод лідараў краін былога СССР. Паводле красавіцкага апытання ВЦИОМ, узровень даверу расіян да яго склаў 75%, у той час як найбліжэйшы пераследнік набраў толькі 25%.
Аляксандр Лукашэнка займае першае месца па ўзроўні даверу расіян сярод кіраўнікоў постсавецкіх краін, заявіў дзяржаўны Аналітычны цэнтр ВЦИОМ па выніках даследавання, праведзенага ў красавіку 2026 года.
Паводле звестак расійскіх дзяржаўных сацыёлагаў, узровень даверу да Лукашэнкі ў Расіі дасягнуў 75%. Яны даводзяць, што за апошнія дзесяць гадоў гэты паказчык вырас на 10 працэнтных пунктаў.
У рэйтынгу даверу лідары краін СНД і блізкага замежжа размеркаваліся наступным чынам:
Касым-Жамарт Такаеў (Казахстан) — 25% (другое месца);
Шаўкат Мірзіёеў (Узбекістан) — 8%;
Нікол Пашынян (Арменія) — 7%.
Па 5% набралі лідары Азербайджана, Грузіі і Кыргызстана, па 4% — лідары Туркменістана, Таджыкістана і Малдовы.
Кіраўніца аддзела «Міжнародныя праекты» АЦ ВЦИОМ Ілона Гёзалян патлумачыла, што высокі вынік беларускага лідара абумоўлены трыма ключавымі фактарамі: шчыльнай прысутнасцю ў расійскай інфармацыйнай прасторы, стабільна пазітыўнай танальнасцю навін і глыбокімі інтэграцыйнымі працэсамі паміж дзвюма краінамі.
Апытанне праводзілася метадам інтэрв'ю, у ім узялі ўдзел 1,6 тысячы расіян ва ўзросце ад 18 гадоў.
Каментары