Намеснікам дырэктара Купалаўскага тэатра, імаверна, стаў былы афіцэр КДБ
Намеснікам дырэктара Купалаўскага тэатра стаў Віктар Друзік. Відавочна, гэта спецслужбіст, які ў мінулым быў начальнікам аддзела ўласнай бяспекі КДБ.
Па звестках, якія «Люстэрка» атрымала ад «Кіберпартызан», поўны цёзка гэтага чалавека — Віктар Васільевіч Друзік — нарадзіўся ў 1956-м. Аж да канца нулявых гадоў ён быў супрацоўнікам КДБ. У 2010—2019 гадах працаваў у гандлёвым доме «Усходні», які належыць Кіраўніцтву спраў Лукашэнкі, дзе займаў пасаду намесніка дырэктара. У 2019—2020 гадах не быў нідзе аформлены. З лістапада 2021 да лістапада 2024 года значыўся ў спартыўна-аздараўленчым комплексе «Фрыстайл».
Чалавек з такімі ж дадзенымі згадваецца на сайце «Узнагароды Беларусі».
Там ён фігуруе як начальнік аддзела ўласнай бяспекі КДБ, падпалкоўнік юстыцыі, узнагароджаны ў 1997‑м медалём «За бездакорную службу» I ступені.
Цяпер жа, відаць, гэты чалавек прыйшоў у Купалаўскі тэатр. Яшчэ ў студзені 2026‑га намеснікам дырэктара там быў іншы чалавек, Уладзімір Кухцік. Але ў сярэдзіне сакавіка гэтую пасаду ўжо займаў Віктар Друзік. На сайце калектыву ў гэтага чалавека няма партрэта (тады як у дырэктара і іншага намесніка дырэктара яны ёсць), не запоўнена і біяграфія.
Прызначэнне сілавікоў у кіраўніцтва беларускіх тэатраў — новы трэнд ад уладаў. Вядома як мінімум пра чатырох такіх асоб.
Намеснікамі дырэктара Нацыянальнага тэатра оперы і балета Беларусі працуюць два падпалкоўнікі міліцыі. Гэта Вадзім Мартысевіч, які знаходзіцца на гэтай пасадзе з 2023 года (ён сыходзіў з органаў з пасады начальніка аддзела ідэалагічнай работы і кадравага забеспячэння Спецліцэя МУС), і Дзмітрый Кіслы, які засвяціўся на пасадзе ў лютым 2026‑га (раней ён быў начальнікам цэнтра культурна-выхаваўчай работы МУС).
Маёр міліцыі Вячаслаў Леаненка, які працаваў экспертам-крыміналістам у сталічным РУУС, а затым у сферы аховы, з 2024‑га быў намеснікам дырэктара Беларускага дзяржаўнага тэатра лялек. А з красавіка 2026‑га мужчына ўзначальвае ўстанову.
У тым жа 2024‑м намеснікам дырэктара бяспекі, рэжыму і кадраў сталічнага Горкаўскага тэатра стаў Юрый Петрашэўскі. Праверка праз бот «Вока змагара», створаны «Кіберпартызанамі», паказала, што ён быў намеснікам начальніка аддзела ўнутраных спраў Мядзельскага райвыканкама ў рангу падпалкоўніка міліцыі.
-
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
-
У Вільні завяршаецца рэстаўрацыя Вострай брамы. Знакамітая «Пагоня» на фасадзе кардынальна змяніла колер
-
Выйшаў пераклад рамана Рэмарка «У неба няма ўлюбёнцаў»
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку22
Каментары