Паглядзіце, як незвычайна выглядае ўвечары дом-тэтрыс у Бабруйску
Знакаміты дом «шпакоўня» ці «тэтрыс» заззяў аранжавымі агнямі, піша Bobrlife.by.
Дом-тэтрыс у Бабруйску знаходзіцца на вуліцы Мінскай, 25. Гэта спадчына савецкага мадэрнізму. Дом пабудавалі па праекце архітэктара Уладзіміра Галушчанкі ў пачатку 1980‑х гадоў. На незвычайную пабудову яго натхніла архітэктура японскіх калегаў.
«Новая падсветка ўяўляе сабой акантоўку выступаючых частак дома і круглых аконных праёмаў аранжавай неонавай стужкай, што надае «шпакоўні» асаблівы каларыт, — расказаў дырэктар Бабруйскага гарсвятла Сяргей Валько. — На ператварэнне дома спецыялістам нашага прадпрыемства спатрэбіўся месяц. Падсветка стала яркім акцэнтам і доўгачаканым падарункам да Дня горада».
Большая частка кватэр у гэтым дзевяціпавярховіку — аднапакаёвыя. Раней на першым паверсе была булачная і кафэ.
Каментары
( кватэры у гэтым доме дзля тых кто мае густ фантазію)))
але вось што з Японскім прататыпам ( https://perspectum.info/v-yaponii-snosyat-nakagin/ - В Японии сносят единственный в мире капсульный дом
ну як жа адзіны? калі вось у нас ё ) дык атрымліваецца, што наш цяпер у свеце адзіны?