У інтэрв'ю тэлеканалу «Аль-Арабія» Аляксандр Лукашэнка абраў нечакана прымірэнчы тон адносна прэзідэнта Украіны Уладзіміра Зяленскага, які апошнім часам, наадварот, заняў адносна яго нашмат больш рэзкую і бескампрамісную пазіцыю.
«Я недзе і перагнуў палку, але гэта быў адказ на вось гэтыя ягоныя недарэчныя заявы: «Ды ў нас 500 цэляў, ды мы ведаем, дзе там той Лукашэнка знаходзіцца, мы заўтра ўдарым ракетамі, беспілотнікамі», — прызнаў Лукашэнка неабачлівасць сваіх рэзкіх слоў.
«Калі Уладзімір Аляксандравіч пакрыўдзіўся, я выбачаюся за гэтыя словы», — сказаў ён.
Рэзкую ж рыторыку з боку Зяленскага на ягоны адрас Лукашэнка спісвае на ягоную маладосць і «нявопытнасць».
«Я маўчаў. Нават усе здзіўляліся, што я маўчаў. Я разумеў, чалавек знаходзіцца пад такім прэсам. Малады чалавек, нявопытны, ён не вайсковы чалавек. Але калі мне пачалі пагражаць, я вымушаны быў адказаць».
«Але, з іншага боку, ён павінен разумець, што ў нас часта кажуць: як спяваюць, так і адпяваюць. Таму трэба быць акуратнейшым і асцярожнейшым.
Тым больш ён цудоўна разумее, яшчэ раз падкрэсліваю, што з боку Беларусі і асабліва з майго боку нейкіх ваенных дзеянняў чакаць не варта», — паспрабаваў Лукашэнка зноў вярнуць сабе той вобраз у вачах украінцаў, які існаваў да 2022 года.
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны
Лукашэнка прызнаў, што Расія ва Украіне не дасягнула мэтаў. Патлумачыў гэта тым, што Пуціна падманулі Ватыкан і яўрэйскае лобі
Лукашэнка заявіў пра сустрэчу з Пуціным у найбліжэйшы час
Лукашэнка нервова пракаментаваў візіт Ціханоўскай у Кіеў
Лукашэнка адказаў наконт 500 цэляў у Беларусі, намечаных Украінай
Цяпер чытаюць
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны20
Каментары
Ніякімі выбачэннямі ты іх не змыеш. Не ты, не твой вывадак, не твае апрычнікі.
***
За ўсе мае жыцце я не атрымаў такі сорам і жах як 24.02.2022 калі ты нашу краіну ператварыў у прахадны двор для клятых ботаў маскавітаў. Калі бязконцыя калоны маскоўскіх варвараў і забойц праз нашу краіну кінуліся ва Украіну забіваць і рабаваць украінцаў. Суседзяў і народ, якія табе нічога кепскага не зрабілі.
За ўсе жыцце не было ў мяне такога жаху і агіды як ў 2022 калі над маею хатаю што ноч леталі самалеты і верталеты бамбіць Ўкраіну і украінскі народ.
Твае выбачэнні не вярнуць маіх загінутых сяброў і шмат загінутых годных і светлых людзей якія а ў ніякае параўнанне не стаяць з табою і тваей сворай. Якім ты не годны нават іх аднаго пальца. Не адновяць жыцце маіх землякоў і шмат іншых, светлых людзей, якіх ты пасадзіў на драконаўскія тэрміны толькі за тое што яны спрабавалі спыніць цягнікі тваей маскоўскай Арды што лезла ва Украіну, ці інакш выступілі супраць вайны.
Ў мяне няма для цябе ніводнага добрага слова. Амаль ўся краіна жадае толькі аднаго. Каб ты зд... х.