Выставілі на продаж яшчэ некалькі абразоў, арыштаваных у ксяндза Генрыха Акалатовіча
У Беларусі на дзяржаўны аўкцыён выставілі яшчэ некалькі арыштаваных абразоў, дзе даўжніком пазначаны Акалатовіч Генадзь Уладзіслававіч. Гаворка ідзе пра маёмасць каталіцкага святара Генрыха Акалатовіча, у якога ўлады працягваюць распрадаваць маёмасць для пагашэння «нібыта даўгоў» пасля яго вызвалення і вымушанага выезду з Беларусі, піша «Хрысціянская візія».
Сярод новых лотаў — абраз «Вялікамучаніца Параскева Пятніца» XIX — пачатку ХХ стагоддзя з Гомельска-Чарнігаўскага рэгіёна. Пачатковая цана — 700 BYN. У апісанні пазначана канкрэтна, што гэта помнік народнай мастацкай культуры і аб’ект культурнай спадчыны.
Таксама выстаўлены абраз «Багародзіца Трох Радасцяў» канца XIX — пачатку ХХ стагоддзя з пачатковай цаной 500 BYN. Яна таксама аднесеная да народнай іканапіснай традыцыі Гомельска-Чарнігаўскага рэгіёна і мае гістарычнае значэнне.
Акрамя таго, паўторна выстаўлены абраз «Уваскрэсенне Хрыста з труны» другой паловы — канца XVIII стагоддзя. Раней яго пачатковая цана складала 4 000 BYN, цяпер лот выстаўлены ўжо за 3 200 BYN. У картцы гаворыцца, што гэта еўрапейскі варыянт сюжэта «Уваскрэсенне Хрыста», верагодна створаны для святочнага рада іканастаса, і што абраз мае гістарычнае і мастацкае значэнне.
Раней у ксяндза Акалатовіча ўжо арыштавалі і выстаўлялі на продаж аўтамабіль, зямельны ўчастак і старадаўнія іконы.
Арыштаваны ўчастак ксяндза Акалатовіча за тры аўкцыёны ніхто не купіў
Арыштаваныя ў ксяндза Генрыха Акалатовіча старадаўнія іконы вывезлі ў Нацыянальны мастацкі музей і выставілі на аўкцыён
У ксяндза Генрыха Акалатовіча арыштоўваюць і прадаюць маёмасць
Што адбываецца з вызваленымі каталіцкімі святарамі і чаму яны маўчаць
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча14
Каментары