Арыштаваныя ў ксяндза Генрыха Акалатовіча старадаўнія іконы вывезлі ў Нацыянальны мастацкі музей і выставілі на аўкцыён
Гэта дзве іконы.
У Беларусі на дзяржаўны аўкцыён выставілі дзве іконы, даўжніком па лоце пазначаны Акалатовіч Генадзь Уладзіслававіч (свецкае імя ксяндза Генрыха), піша «Хрысціянская візія».
Гаворка ідзе пра дзве іконы:
«Свяціцель Юліян, епіскап Кенаманійскі» (XIX — пачатак ХХ стагоддзя; дрэва, алей; 52,8 × 30 см). У апісанні адзначаецца, што сюжэт сустракаецца рэдка і ўяўляе гістарычную цікавасць як аб’ект культурнай спадчыны. Пачатковая цана лота — 700 BYN, таргі — 14 мая. Месцазнаходжанне іконы ў картцы лота: Мінск, вул. Леніна, 20 (Нацыянальны мастацкі музей).
«Уваскрасенне Хрыста з гроба» (другая палова — канец XVIII стагоддзя; дрэва, алей; 31 × 31 см). Ікона ўяўляе сабой еўрапейскі варыянт сюжэта «Уваскрасенне Хрыста», верагодна, створана для святочнага рада іканастаса. Належыць да ўзораў рэлігійнага жывапісу ў акадэмічным стылі. Мае гістарычнае і мастацкае значэнне, уяўляе цікавасць як аб’ект культурнай спадчыны. Пачатковая цана лота — 4000 BYN, таргі — 14 мая. Месцазнаходжанне іконы ў картцы лота: Мінск, вул. Леніна, 20.
Гэта працяг гісторыі з маёмасцю каталіцкага святара Генрыха Акалатовіча: пасля яго вызвалення і вымушанага выезду з Беларусі ўлады, паводле рашэння суда, працягнулі канфіскацыю маёмасці для пагашэння «нібыта запазычанасці».
Раней паведамлялася, што ў яго арыштавалі і выставілі на продаж аўтамабіль (яго прадалі) і невялікі зямельны ўчастак (яго спрабавалі прадаць, але пакупнікоў не знайшлося). Цяпер у пераліку арыштаванай маёмасці з’явіліся і царкоўныя каштоўнасці — іконы.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Каментары
Интересно, кто их купит ?
По идее, не только руки отсохнуть, у покупателя, могут...