Расія можа рыхтаваць узброеную правакацыю і супраць Польшчы — Onet
Сцэнароў можа быць некалькі. Адзін з іх — з удзелам беларускіх салдат.
ЗША папярэдзілі Польшчу, што Расія плануе супраць яе ўзброеную правакацыю. Мэтай расійскай правакацыі можа быць эскалацыя напружанасці і прымус заходніх саюзнікаў да прыпынення дапамогі Украіне. Яна можа быць здзейснена на працягу некалькіх месяцаў, паведамілі крыніцы, блізкія да прэзідэнта Польшчы Караля Наўроцкага, сцвярджае калумніст польскага выдання Onet Вітальд Юраш.
Сцэнарыі правакацый могуць уключаць атаку дронаў на аб’екты крытычнай інфраструктуры, такія як электрастанцыі, або сімуляцыю паветраных удараў, што вымусіць Польшчу актываваць свае сістэмы супрацьпаветранай абароны.
Адна з крыніц у польскай разведцы адзначыла, што пры самым экстрэмальным сцэнарыі можа адбыцца гібрыдная атака ў прымежным рэгіёне ці ўзброенае ўварванне з удзелам расійскіх або беларускіх салдат.
Расія магла б прадставіць гэта як выпадковы заход на польскую тэрыторыю з-за збою GPS або як сумнеўную выратавальную місію па эвакуацыі верталёта, які атрымаў няспраўнасць.
У такой сітуацыі Расія будзе разлічваць на тое, што замест адкрыцця агню па расійскіх ці беларускіх салдатах, ЗША прымусяць Польшчу весці перамовы з Расіяй ці Беларуссю, а не адказваць сілай.
Спыненне заходняй падтрымкі Украіны магло б нават стаць галоўным патрабаваннем Расіі на такіх перамовах у абмен на вывад войскаў з Польшчы.
Наземная атака з боку Расіі можа быць арганізавана альбо з Калінінграда альбо з Беларусі.
Прадстаўнік кіраўніцтва міністэрства абароны Польшчы пацвердзіў Onet магчымасць расійскай правакацыі, але адзначыў, што Польшча ўжо правяла вучэнні, накіраваныя на тое, каб папярэдзіць Маскву аб сакрушальным адказе NATO.
Крыніцы Onet падкрэслілі, што любая расійская правакацыя не будзе нагадваць класічную або канвенцыйную вайну, і што Масква яшчэ не прыняла канчатковага рашэння наконт яе правядзення.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары