70‑гадовую мінчанку асудзілі за «абразу Лукашэнкі» і «распальванне варожасці»
Ніне Гнядзько прысудзілі хатнюю хімію.
Ніне Гнядзько 70 гадоў. Яна мінчанка. Раней займалася прадпрымальніцтвам, цяпер на пенсіі.
Яе асудзілі ў Мінскім гарадскім судзе паводле часткі 1 артыкула 130 («распальванне варожасці») і часткі 1 артыкула 368 («абраза Лукашэнкі») Крымінальнага кодэкса.
Дэталі справы застаюцца невядомымі, але звычайна па такіх артыкулах беларусаў судзяць за выказванні і каментары палітычнага характару ў інтэрнэце. Ніне прысудзілі хатнюю хімію.
«Экстрэмізмам» улады Беларусі лічаць падпіскі на незалежныя каналы, СМІ, наяўнасць спасылак на іх у сацыяльных сетках ці наяўнасць у сацсетках або на рэчах беларускай нацыянальнай, далукашэнкаўскай сімволікі. Да «экстрэмізму» залічваюць таксама практычна ўсялякую крытыку ўладаў, афіцыйных гістарычных наратываў ці праявы салідарнасці з Украінай.
Паводле падлікаў аб'яднання сілавікоў «Белпол» і праваабаронцаў, вядомыя імёны 9594 людзей, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы) зачапілі каля 500 тысяч беларусаў. Некалькі соцень тысяч людзей вымушаныя былі пакінуць краіну.
«Наша Нiва» — бастыён беларушчыны
ПАДТРЫМАЦЬЦяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары
Іх недастаткова, бо хапаюць новых і рэпрэсіі не прыпыняюцца.
Але "зрабіў недастаткова" не ёсць слушная прэтэнзія да канкрэтнага перамоўшчыка. Мог не рабіць, і таго б не было.
Пры гэтым ён жа не кажа, як сектанты, пра добрага лукашэначку, якога трэба адцягваць ад Расеі, пра Беларусь, якая ўжо іншая і т.п.
Трохі прытамілі гэтыя ўзаемныя прэтэнзіі паміж маргінальнымі групоўкамі, ў якіх губляюцца глузды. У адных лідар з фэйсбука нібыта кіруе вызваленнямі, ў другіх бруд на перамоўшчыка.