16 ліпеня з крамы мабільных праграм Google Play зніклі сацыяльная сетка «УКантакце» і расійскі месенджар Max, якія належаць холдынгу VK. Пры спробе знайсці іх у каталогу сэрвіс паведамляе, што гэтыя праграмы недаступныя.
Адначасова карыстальнікі «ВКонтакте» пачалі атрымліваць паведамленні пра пераход сацыяльнай сеткі на дамен vk.ru. У кампаніі растлумачылі гэта тэхнічнымі асаблівасцямі, адзначыўшы, што дамен.ru, паводле іх слоў, заўсёды даступны і працуе хутчэй.
Аналагічная сітуацыя закранула і іншыя сэрвісы холдынгу VK, у тым ліку сацыяльную сетку «Аднакласнікі».
У прэс-службе VK заявілі, што іх праграмы па-ранейшаму можна ўсталяваць праз іншыя крамы дадаткаў для Android, у тым ліку RuStore, Huawei AppGallery, Samsung Galaxy Store і Xiaomi GetApps. Таксама ў кампаніі паведамілі, што карыстальнікі Android працягваюць атрымліваць апавяшчэнні, а абнаўленні праграм працуюць у звычайным рэжыме.
У пачатку тыдня Еўрапейскі саюз увёў санкцыі супраць холдынгу VK. У абгрунтаванні рашэння адзначалася, што VK з'яўляецца мацярынскай кампаніяй таварыства «Камунікацыйная платформа», якое распрацавала расійскі нацыянальны месенджар MAX.
Яшчэ ў канцы чэрвеня праграмы холдынгу VK сталі недаступныя для спампоўвання ў App Store для карыстальнікаў iPhone. Месенджар MAX быў выдалены адтуль яшчэ раней — у пачатку лета.
У красавіку VK паведамляў, што Беларусь займала трэцяе месца па колькасці карыстальнікаў MAX пасля Расіі і Узбекістана. На той момант у месенджары было зарэгістравана больш за 1,3 мільёна карыстальнікаў з Беларусі.
На фоне навіны пра выдаленне праграм з Google Play акцыі VK 16 ліпеня патаннелі больш як на 7 працэнтаў у параўнанні з закрыццём папярэдняга гандлёвага дня.
Пасля выдалення з App Store акцыі расійскага VK рухнулі да гістарычнага мінімуму
Apple выдаліла з App Store «Аднакласнікі», «Дзэн» і амаль усе дадаткі холдынгу VK
Буйны хостынг-правайдэр Cloudflare выдаў расійскаму месенджару «Макс» пазнаку шпіёнскага прыкладання
«Яндэкс Браўзер» аналізуе нават асабістыя паведамленні. Вось якія звесткі збіраюць браўзеры і чаму гэта важна
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары