У Іспаніі затрымалі кіроўцу-беларуса. Дапушчальная норма алкаголю была ніжэйшая ў сем разоў
Інцыдэнт адбыўся каля 20:00 29 чэрвеня ў правінцыі Уэска, што ля мяжы з Францыяй.
Паводле інфармацыі Цывільнай гвардыі, грузавік з'ехаў з праезнай часткі на правы бок, піша Diario.
У выніку аварыі кіроўца не пацярпеў, аднак былі нанесены значныя пашкоджанні як дарожнай інфраструктуры, так і самому грузавіку. Акрамя таго, паўпрычэп часткова перакрыў праезную частку, з-за чаго рух транспарту быў абмежаваны да 23:30, калі яго ўдалося цалкам аднавіць у абодвух напрамках.
На месца здарэння прыбылі медыцынскія службы, патруль дарожнай паліцыі, а таксама супрацоўнікі групы па расследаванні дарожна-транспартных здарэнняў падраздзялення дарожнай паліцыі Цывільнай гвардыі правінцыі Уэска.
Мужчыну зрабілі тэст на алкаголь у выдыханым паветры. Вынік склаў 1,16 мг алкаголю на літр выдыханага паветра, што больш чым у сем разоў перавышае дапушчальную норму 0,15 мг/л для прафесійных кіроўцаў і значна вышэй за парог 0,60 мг/л, пасля якога кіраванне транспартным сродкам у стане алкагольнага ап'янення лічыцца крымінальным правапарушэннем.
40‑гадовага мужчыну затрымалі, а потым вызвалілі пад падпіску аб нявыездзе да суда.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары