U Ispanii zatrymali kiroŭcu-biełarusa. Dapuščalnaja norma ałkaholu była nižejšaja ŭ siem razoŭ
Incydent adbyŭsia kala 20:00 29 červienia ŭ pravincyi Ueska, što la miažy z Francyjaj.
Pavodle infarmacyi Cyvilnaj hvardyi, hruzavik źjechaŭ z prajeznaj častki na pravy bok, piša Diario.
U vyniku avaryi kiroŭca nie paciarpieŭ, adnak byli naniesieny značnyja paškodžańni jak darožnaj infrastruktury, tak i samomu hruzaviku. Akramia taho, paŭpryčep častkova pierakryŭ prajeznuju častku, z-za čaho ruch transpartu byŭ abmiežavany da 23:30, kali jaho ŭdałosia całkam adnavić u abodvuch napramkach.
Na miesca zdareńnia prybyli miedycynskija słužby, patrul darožnaj palicyi, a taksama supracoŭniki hrupy pa rasśledavańni darožna-transpartnych zdareńniaŭ padraździaleńnia darožnaj palicyi Cyvilnaj hvardyi pravincyi Ueska.
Mužčynu zrabili test na ałkahol u vydychanym pavietry. Vynik skłaŭ 1,16 mh ałkaholu na litr vydychanaha pavietra, što bolš čym u siem razoŭ pieravyšaje dapuščalnuju normu 0,15 mh/ł dla prafiesijnych kiroŭcaŭ i značna vyšej za paroh 0,60 mh/ł, paśla jakoha kiravańnie transpartnym srodkam u stanie ałkaholnaha apjanieńnia ličycca kryminalnym pravaparušeńniem.
40‑hadovaha mužčynu zatrymali, a potym vyzvalili pad padpisku ab niavyjeździe da suda.
Ciapier čytajuć
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia27
«Abo my ciabie zhvałcim, abo ty paholiš baradu razam z hałavoj». Łachvič raskazaŭ, što ź im adbyłosia
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1111
Kamientary