Беларуская дызайнерка ехала ў падарожжа ў Грузію — але на трасе пад Варонежам яе затрымалі з наркотыкамі
Яна Волкава запэўніла, што купіла кетамін для сябе — і абмежавалася дробным штрафам.
Беларускую дызайнерку і дэкаратарку Яну Волкаву затрымалі 16 чэрвеня 2026 года на трасе М-4 «Дон» у Варонежскай вобласці Расіі.
Дзяўчына ехала разам са сваім хлопцам у Грузію на адпачынак. На стацыянарным пасту машыну спынілі, і падчас дагляду ў Волкавай знайшлі пакецік са светлым рэчывам. Экспертыза вызначыла, што гэта кетамін масай 0,18 грама.
Як патлумачыла беларуска на пасяджэнні Багучарскага раённага суда Варонежскай вобласці, наркотык яна купіла напярэдадні ў Маскве каля метро «Атраднае» — для асабістага ўжывання, без мэты збыту. Віну яна прызнала цалкам.
Волкава расказала, што жыве ў Расіі каля двух гадоў разам з хлопцам, абодва працуюць дэкаратарамі і аформлены як самазанятыя, плацяць падаткі. У яе вышэйшая адукацыя па спецыяльнасці «дызайнер», сярэднямесячны заробак — каля $1280 (хлопец, праўда, ацаніў яе даход больш сціпла — на $1000). Пры гэтым на момант затрымання яе рэгістрацыя ў Расіі ўжо скончылася, і ў судзе яна паабяцала аформіць міграцыйныя дакументы.
Галоўнае, чаго прасіла дзяўчына, — не дэпартаваць яе з Расіі, а абмежавацца штрафам. У выніку так і зрабілі. Яна атрымала каля $50 штрафу.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары