Biełaruskaja dyzajnierka jechała ŭ padarožža ŭ Hruziju — ale na trasie pad Varoniežam jaje zatrymali z narkotykami
Jana Vołkava zapeŭniła, što kupiła kietamin dla siabie — i abmiežavałasia drobnym štrafam.
Biełaruskuju dyzajnierku i dekaratarku Janu Vołkavu zatrymali 16 červienia 2026 hoda na trasie M-4 «Don» u Varoniežskaj vobłaści Rasii.
Dziaŭčyna jechała razam sa svaim chłopcam u Hruziju na adpačynak. Na stacyjanarnym pastu mašynu spynili, i padčas dahladu ŭ Vołkavaj znajšli pakiecik sa śvietłym rečyvam. Ekśpiertyza vyznačyła, što heta kietamin masaj 0,18 hrama.
Jak patłumačyła biełaruska na pasiadžeńni Bahučarskaha rajonnaha suda Varoniežskaj vobłaści, narkotyk jana kupiła napiaredadni ŭ Maskvie kala mietro «Atradnaje» — dla asabistaha ŭžyvańnia, biez mety zbytu. Vinu jana pryznała całkam.
Vołkava raskazała, što žyvie ŭ Rasii kala dvuch hadoŭ razam z chłopcam, abodva pracujuć dekaratarami i aformleny jak samazaniatyja, płaciać padatki. U jaje vyšejšaja adukacyja pa śpiecyjalnaści «dyzajnier», siaredniamiesiačny zarobak — kala $1280 (chłopiec, praŭda, acaniŭ jaje dachod bolš ścipła — na $1000). Pry hetym na momant zatrymańnia jaje rehistracyja ŭ Rasii ŭžo skončyłasia, i ŭ sudzie jana paabiacała aformić mihracyjnyja dakumienty.
Hałoŭnaje, čaho prasiła dziaŭčyna, — nie departavać jaje z Rasii, a abmiežavacca štrafam. U vyniku tak i zrabili. Jana atrymała kala $50 štrafu.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary