У расійскім Ніжнім Ноўгарадзе супрацоўнікі папраўчай калоніі №17 перахапілі ката, якога выкарыстоўвалі для дастаўкі на тэрыторыю ўстановы наркатычных рэчываў, паведамляе Euronews.
Паводле інфармацыі Федэральнай службы выканання пакаранняў Расіі, на жывёліне былі замацаваныя два самаробныя ашыйнікі з тканіны. Унутры іх знаходзіліся забароненыя рэчывы, прызначаныя для асуджаных.
Ката заўважылі яшчэ да таго, як ён трапіў на тэрыторыю калоніі. Супрацоўнікі ўстановы знялі з яго ашыйнікі і выклікалі кінолага са службовым сабакам. Сабака пацвердзіў наяўнасць наркатычных рэчываў.
Пасля праверкі ката адпусцілі. У ведамстве адзначылі, што жывёліна не пацярпела. Цяпер расійскія сілавікі высвятляюць, хто арганізаваў такую спробу перадачы забароненых рэчываў у калонію.
Брат беларускай каралевы прыгажосці трапіў у рэанімацыю ў Азербайджане4
Каментары