У галоўным расійскім порце ў Новарасійску ўвялі часовую забарону на рух суднаў ноччу — з поўначы да 5:00. Паводле інфармацыі крыніц у збожжавай галіне, на якую спасылаецца Reuters, такое рашэнне прынялі пасля атак украінскіх беспілотнікаў.
Суразмоўцы агенцтва сцвярджаюць, што распараджэнне было перададзена вусна, без афіцыйных дакументаў. Пры гэтым у астатні час порт працягвае працаваць у звычайным рэжыме, а пагрузка і адпраўка збожжа не спыняюцца.
Міністэрства транспарту Расіі і адміністрацыя порта пакуль не каментавалі гэтыя звесткі.
Порт Новарасійска — найбуйнейшы ў Расіі і адзін з ключавых для экспарту збожжа: праз яго праходзіць каля траціны ўсіх расійскіх паставак гэтай прадукцыі за мяжу.
Абмежаванні ўведзеныя пасля таго, як раней у гэтым месяцы былі ўзмоцненыя меры бяспекі ў Азоўскім моры і Керчанскім праліве. Адначасова Новарасійск разглядаецца як магчымы пункт, праз які можа перанакіроўвацца збожжа, што раней адпраўлялася праз парты Азоўскага мора.
Цяпер чытаюць
Пальчыс: Я супраць дапамогі тым палітвязням, хто ў зняволенні працаваў на адміністрацыю4
Каментары