У мінскім метро з пачатку года зафіксавана 100 інцыдэнтаў з пасажырамі
62 атрымалі траўмы.
З пачатку 2026 года ў Мінскім метрапалітэне зарэгістравана 100 здарэнняў з пасажырамі, з якіх 62 — з атрыманнем траўмаў, пішуць Мінск-навіны.
Паводле даных ведамства, сёлета адбылося сем выпадкаў падзення на рэйкі: тры — з-за стану здароўя, чатыры — у выніку парушэння правілаў карыстання метрапалітэнам і асабістай неасцярожнасці.
Найбольшая колькасць здарэнняў была зафіксавана на эскалатарах, у пераходах, вестыбюлях, на платформах, пры адкрыцці і закрыцці дзвярэй цягніка, а таксама ў яго вагонах.
У прыватнасці, на станцыі метро «Маладзёжная» пасажыр на эскалатары абганяў людзей, якія стаялі наперадзе, страціў раўнавагу, упаў і атрымаў траўму рукі.
У двух выпадках работнікам метрапалітэна давялося здымаць напружанне з кантактнай рэйкі, каб пазбегнуць цяжкіх наступстваў.
Так, на станцыі метро «Спартыўная» мужчына зайшоў за абмежавальную лінію і спусціўся на рэйкі, нягледзячы на папярэджанне дзяжурнай. Акрамя таго, на станцыі метро «Малінаўка» малады чалавек саскочыў на рэйкі за навушнікамі, якія ўпалі, і не адрэагаваў на патрабаванне супрацоўніцы заставацца на месцы — пазней ён выбраўся сам.
Таксама на станцыі метро «Пралетарская» непаўналетні саскочыў на рэйкі і стаяў каля сцяны да прыбыцця цягніка, пасля чаго яго вывелі праз вагон.
За праход у тунэль або знаходжанне на рэйках метрапалітэна прадугледжаны штраф ад дзвюх да пяці базавых велічынь (90—225 рублёў), а за самавольную прыпынку эскалатара — ад дзвюх да дзесяці базавых велічынь (90—450 рублёў).
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію6
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі55
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі5
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары