U minskim mietro z pačatku hoda zafiksavana 100 incydentaŭ z pasažyrami
62 atrymali traŭmy.
Z pačatku 2026 hoda ŭ Minskim mietrapalitenie zarehistravana 100 zdareńniaŭ z pasažyrami, ź jakich 62 — z atrymańniem traŭmaŭ, pišuć Minsk-naviny.
Pavodle danych viedamstva, sioleta adbyłosia siem vypadkaŭ padzieńnia na rejki: try — z-za stanu zdaroŭja, čatyry — u vyniku parušeńnia praviłaŭ karystańnia mietrapalitenam i asabistaj nieaściarožnaści.
Najbolšaja kolkaść zdareńniaŭ była zafiksavana na eskałatarach, u pierachodach, viestybiulach, na płatformach, pry adkryćci i zakryćci dźviarej ciahnika, a taksama ŭ jaho vahonach.
U pryvatnaści, na stancyi mietro «Maładziožnaja» pasažyr na eskałatary abhaniaŭ ludziej, jakija stajali napieradzie, straciŭ raŭnavahu, upaŭ i atrymaŭ traŭmu ruki.
U dvuch vypadkach rabotnikam mietrapalitena daviałosia zdymać napružańnie z kantaktnaj rejki, kab paźbiehnuć ciažkich nastupstvaŭ.
Tak, na stancyi mietro «Spartyŭnaja» mužčyna zajšoŭ za abmiežavalnuju liniju i spuściŭsia na rejki, niahledziačy na papiaredžańnie dziažurnaj. Akramia taho, na stancyi mietro «Malinaŭka» małady čałaviek saskočyŭ na rejki za navušnikami, jakija ŭpali, i nie adreahavaŭ na patrabavańnie supracoŭnicy zastavacca na miescy — paźniej jon vybraŭsia sam.
Taksama na stancyi mietro «Praletarskaja» niepaŭnaletni saskočyŭ na rejki i stajaŭ kala ściany da prybyćcia ciahnika, paśla čaho jaho vyvieli praz vahon.
Za prachod u tunel abo znachodžańnie na rejkach mietrapalitena praduhledžany štraf ad dźviuch da piaci bazavych vieličyń (90—225 rubloŭ), a za samavolnuju prypynku eskałatara — ad dźviuch da dziesiaci bazavych vieličyń (90—450 rubloŭ).
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary