Спецыялісты папярэджваюць: да канца лета чакаецца чарговы ўсплёск актыўнасці іксодавых кляшчоў. Гэта звязваюць са з'яўленнем новага пакалення — німфаў.
«Німфы дасягаюць у даўжыню ўсяго 0,5—1 мм, таму іх вельмі складана заўважыць на целе. Пры гэтым маладыя асобіны ніколькі не саступаюць дарослым кляшчам у здольнасці пераносіць інфекцыі. Маленькі памер — вялікая рызыка», — патлумачылі ў санітарна-эпідэміялагічнай службе.
Эксперты таксама нагадалі асноўныя меры прафілактыкі: насіць закрытае адзенне светлых колераў, пазбягаць прагулак сярод высокай травы і зараснікаў, хадзіць па пратаптаных сцежках, выкарыстоўваць сродкі абароны і не забывацца аглядаць сябе і хатніх жывёл пасля вяртання з вуліцы.
Каментары