Жыхары Мінска звярнулі ўвагу, што на праспекце Незалежнасці на месцах дрэў, якія былі зрэзаныя, рабочыя пачалі ўкладваць тратуарную плітку. Гэта выклікала актыўнае абмеркаванне ў сацыяльных сетках, піша агенцтва «Мінск-Навіны».
Адзін з карыстальнікаў Threads апублікаваў фатаграфію з подпісам наконт таго, што замест дрэў з'явілася плітка. Публікацыя за суткі набрала каля 80 тысяч праглядаў і больш за 250 каментарыяў. Многія мінчане выказалі шкадаванне з нагоды знікнення зялёных насаджэнняў і адзначылі, што раней цэнтральныя вуліцы сталіцы былі значна больш азялененыя.
Некаторыя карыстальнікі прапаноўвалі не замяняць дрэвы пліткай, а ствараць клумбы з шматгадовымі раслінамі, якія не патрабуюць складанага догляду і маглі б упрыгожыць горад.
У «Мінскзяленбудзе» растлумачылі, што праблема была звязаная з умовамі росту дрэў уздоўж праспекта Незалежнасці. Паводле спецыялістаў, каранёвыя сістэмы дрэў знаходзіліся ў абмежаванай прасторы, што рабіла іх больш уразлівымі да неспрыяльных фактараў.
Сярод асноўных прычын называлі тэхнагеннае забруджванне паветра, уздзеянне хімічных рэчываў, супрацьгалалёдных рэагентаў у зімовы перыяд, выкіды ад транспарту і вялікую нагрузку ад інтэнсіўнага руху людзей.
На прадпрыемстве адзначылі, што для захавання дрэў раней праводзіліся розныя мерапрыемствы: рэгулярны паліў, праліў глебы, абмыванне кронаў і ствалоў, каранёвая і пазакаранёвая, падкормка, а таксама абарона ствалоў у зімовы перыяд. Аднак гэтыя меры не змаглі спыніць масавае адміранне часткі насаджэнняў.
У выніку было прынята рашэнне высаджваць дрэвы не непасрэдна ў зямлю, а ў спецыяльныя вазоны. У «Мінскзяленбудзе» лічаць, што такі спосаб дазволіць лепш захаваць зялёныя насаджэнні на праспекце.
Першыя вазоны з ліпамі плануюць пачаць ставіць ужо на гэтым тыдні.
Чаму ў Мінску сохнуць дрэвы і што з гэтым спрабуюць рабіць
Парэчкі, вінаград і нават персікі. Мінскі пенсіянер высадзіў міні-сад каля свайго пад’езда
Мінчук абурыўся, што ў горадзе пазасыхалі маладыя ялінкі. «Зелянбуд» адказаў: у гэтым вінаваты сабачнікі
У Мінску масава хварэюць каштаны. У чым прычыны і ці можна што з гэтым зрабіць?
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары
[Зрэдагавана]