Гісторыя

Брытанскія навукоўцы высветлілі, для чаго выкарыстоўвалі прыладу са слановай косці 500‑тысячагадовай даўніны

Археолагі высветлілі сапраўднае прызначэнне рэдкага артэфакта, знойдзенага ў паўднёвай Англіі яшчэ ў пачатку 1990‑х гадоў. Гэта касцяны інструмент узростам каля 500 тысяч гадоў, які цяпер лічыцца найстаражытнейшым вядомым «малатком» такога тыпу ў Еўропе. Вынікі даследавання міжнароднай групы навукоўцаў з Універсітэцкага каледжа Лондана і Лонданскага музея натуральнай гісторыі апублікаваныя ў навуковым часопісе Science Advances.

Артэфакт быў знойдзены ў знакамітым археалагічным помніку Боксграў. Ён мае трохкутную форму, каля 11 сантыметраў у даўжыню, 6 сантыметраў у шырыню і прыкладна 3 сантыметры ў таўшчыню.

Доўгі час яго сапраўднае прызначэнне заставалася невядомым. Толькі сучасныя метады даследавання, у тым ліку 3D-сканаванне і электронная мікраскапія, дазволілі пабачыць на паверхні мікраскапічныя сляды ўдараў, засечкі і часцінкі крэменю.

Навукоўцы прыйшлі да высновы, што інструмент быў зроблены са шчыльнай часткі біўня маманта або старажытнага слана. Яго выкарыстоўвалі раннія неандэртальцы або прадстаўнікі віду Homo heidelbergensis як так званы рэтушор — спецыяльны ўдарны інструмент, якім акуратна апрацоўвалі краі крэмневых сякер і нажоў, аднаўляючы іх вастрыню пасля выкарыстання.

Кіраўнік даследавання Сайман Парфіт адзначыў, што знаходка сведчыць пра высокі ўзровень вынаходлівасці і разумення ўласцівасцяў матэрыялаў у людзей таго часу. Паводле яго слоў, сланы і маманты былі даволі рэдкімі ў дагістарычнай паўднёвай Англіі, таму захаванне і спецыяльная апрацоўка такога каштоўнага матэрыялу сведчыць пра добра развітае абстрактнае мысленне.

Выкарыстанне косці замест каменя дазваляла значна дакладней апрацоўваць прылады працы і памяншала рызыку іх пашкоджання. Падобныя інструменты раней знаходзілі толькі ў Афрыцы, дзе іх узрост дасягае паўтара мільёна гадоў. Для Еўропы ж гэта першае настолькі старажытнае сведчанне таго, што ўжо паўмільёна гадоў таму продкі сучаснага чалавека валодалі складанымі тэхналогіямі вырабу і рамонту каменных прылад працы.

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць